ബസ് കാത്തിരിപ്പു കേന്ദ്രങ്ങളില്ല; മങ്കടയിൽ യാത്രക്കാർക്ക് ദുരിതം

Perinthalmanna Radio
Date: 23-01-2023

മങ്കട: ബസ് കാത്തിരിപ്പു കേന്ദ്രങ്ങളില്ലാത്തതിനാൽ മങ്കടയിൽ യാത്രക്കാർ ദുരിതത്തിൽ. കവലയിൽ ബസുകൾ നിർത്തുന്നത് ഗതാഗതക്കുരുക്കും അപകടങ്ങളുമുണ്ടാക്കുന്നു.

മങ്കട മേലേ അങ്ങാടിയിലാണ് യാത്രക്കാർ ദുരിതമനുഭവിക്കുന്നത്. കാത്തിരിപ്പുകേന്ദ്രങ്ങൾ വേണമെന്ന കാലങ്ങളായ ആവശ്യത്തിന് ഇതുവരെ പരിഹാരമില്ല. മഞ്ചേരി, പെരിന്തൽമണ്ണ, മലപുറം, പട്ടിക്കാട് റോഡുകൾ ചേരുന്ന നാൽക്കവലയാണ് മങ്കട മേലെ അങ്ങാടി.

മഞ്ചേരിയിലേക്കും പെരിന്തൽമണ്ണയിലേക്കും പോകുന്ന ബസുകൾ കവലയ്ക്ക് സമീപം നിർത്തുന്നതിനാൽ മലപ്പുറം റോഡിൽ നിന്നും പട്ടിക്കാട് റോഡിൽ നിന്നും വരുന്ന വാഹനങ്ങൾക്ക് മറികടന്ന് പോകാൻ പ്രയാസമുണ്ടാക്കുന്നു.

ഇത്തരത്തിൽ ബസിനെ മറികടന്നു പോയ വാഹനങ്ങൾ ഇവിടെ അപകടത്തിൽപ്പെടുന്നത് പതിവാണ്.

ഏതാനും വർഷം മുമ്പ് ബസ് സ്റ്റോപ്പുകൾ മാറ്റി ക്രമീകരിച്ചെങ്കിലും കാത്തിരിപ്പ് കേന്ദ്രങ്ങൾ നിർമിക്കാതെ ബോർഡിൽ മാത്രം ഒതുങ്ങിയതിനാൽ ഫലം കണ്ടില്ല.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/BuEppF2WClmF172FMFIJJx
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ