ചേരിയം മലയിൽ പുലിയെ കണ്ട സംഭവം; വനം വകുപ്പ് ഉദ്യോഗസ്ഥർ സ്ഥലത്തെത്തി

Perinthalmanna Radio
Date: 25-01-2023

മങ്കട: ആടിനെ മേയ്ക്കാൻ പോയ ആൾ പുലിയെ കണ്ട സംഭവത്തിൽ വനം വകുപ്പ് ഉദ്യോഗസ്ഥർ സംഭവ സ്ഥലത്തെത്തി. ചേരിയം മലയിൽ എംഎം കുള ത്തിന് സമീപമാണ് മുതുകാടൻ ഹൈദ്രോസ് എന്ന ആൾ കഴിഞ്ഞ ദിവസം പുലിയെ കണ്ടതായി പറയുന്നത്.

ആടിനെ മേയ്ക്കുന്നതിനിടെ പുലി തൊട്ടടുത്ത സ്ഥലത്തു നിന്ന് ഇറങ്ങി ഓടുന്നത് കണ്ടെന്നാണ് ഹൈദ്രോസ് പറയുന്നത്. ഹൈദ്രോസിന്റെ ആടിനെ രണ്ടു മാസം മുൻപ് കാണാതായത് ഉൾപ്പെടെ ആറ് മാസത്തിനുള്ളിൽ എട്ട് ആടുകളെ കാണാതായതായി നാട്ടുകാർ പറഞ്ഞു.

ഹൈദ്രോസിന്റെ പരാതിയെ തുടർന്ന് ഇന്നലെ ഉച്ചയോടെ വനം വകുപ്പ് ഉദ്യോഗസ്ഥർ സ്ഥലത്തെത്തി. ഹൈദ്രോസിൽ നിന്നും നാട്ടുകാരിൽ നിന്നും വിവരങ്ങൾ ശേഖരിച്ചു. പുലിയെ ഒരിക്കൽ കൂടി കണ്ടാൽ വിവരം അറിയിക്കണമെന്ന് ആവശ്യപ്പെട്ടതല്ലാതെ ക്യാമറ സ്ഥാപിക്കുന്നതിനോ കെണി സ്ഥാപിക്കുന്നതിനോ നടപടി ഉണ്ടായിട്ടില്ല.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/BuEppF2WClmF172FMFIJJx
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ