മഴക്കാലം തുടങ്ങിയിട്ടും പെയ്യാൻ മടിച്ചു മഴമേഘങ്ങൾ

Perinthalmanna Radio
Date: 12-06-2023

മലപ്പുറം: മഴക്കാലമായിട്ടും പെയ്യാൻ മടിച്ചു മഴമേഘങ്ങൾ. ഈ മാസം ഒന്നു മുതൽ ഇന്നലെ വരെയുള്ള കണക്കു പ്രകാരം ജില്ലയിലെ മഴക്കുറവ് 61%. സാധാരണ രീതിയിൽ ഈ കാലയളവിൽ ലഭിക്കേണ്ടത് 182 മില്ലിമീറ്റർ മഴ. ലഭിച്ചതാകട്ടെ വെറും 70.4 മില്ലിമീറ്റർ. മഴക്കാലത്തിന്റെ അടുത്ത ഘട്ടത്തിൽ ഈ കുറവ് കൂടി നികത്തുന്ന മഴ ലഭിക്കുമെന്നാണു കാലാവസ്ഥാ പ്രവചനം.

അറബിക്കടലിൽ രൂപം കൊണ്ട ചുഴലിക്കാറ്റാണ് ജില്ലയിൽ പ്രതീക്ഷിച്ച മഴ ലഭിക്കാത്തതിനു കാരണം. ചുഴലിയുടെ പ്രഭാവം കാരണം കേരളത്തിലേക്കുള്ള പടിഞ്ഞാറൻ കാറ്റിന്റെ ശക്തി കുറയുന്നു. ഇതോടെ, മഴ തീരപ്രദേശങ്ങളിൽ മാത്രമായി ചുരുങ്ങി. ഉൾപ്രദേശങ്ങളിൽ മഴയുടെ ലഭ്യത കുറഞ്ഞു. 

ഈ മാസം 14 വരെ ചുഴലിക്കാറ്റിന്റെ പ്രഭാവം  നിലനിൽക്കുമെന്നാണു കാലാവസ്ഥാ പ്രവചനം. അതിനാൽ, നിലവിൽ ലഭിക്കുന്ന മഴ 14 വരെ പ്രതീക്ഷിച്ചാൽ മതി. പിന്നീട് 2–3 ദിവസം മഴ കുറയും. 18 മുതൽ മഴക്കാലത്തിന്റെ അടുത്തഘട്ടം ലഭിച്ചു തുടങ്ങുമെന്നും അന്നു മുതൽ കനത്ത മഴ ജില്ലയിൽ ലഭിക്കുമെന്നാണ് കാലാവസ്ഥാ പ്രവചനം. 

ഇന്നലത്തെ മഴക്കണക്ക്

പൊന്നാനി : 33 മി.മീ
നിലമ്പൂർ : 1.2 മി.മീ
മഞ്ചേരി : 8.0 മി.മീ.
അങ്ങാടിപ്പുറം : 34.4 മി.മീ.
പെരിന്തൽമണ്ണ : 2.0 മി.മീ.
കരിപ്പൂർ വിമാനത്താവളം : 21 മി.മീ.

അറബിക്കടലിൽ രൂപം കൊണ്ട ചുഴലിക്കാറ്റിന്റെ പ്രഭാവമാണ് ഉൾ പ്രദേശങ്ങളിൽ മഴ കുറയാൻ കാരണം. 14 വരെ ഈ നിലയിൽ മഴ തുടരും. പിന്നീടു കുറയും. 18 മുതൽ കനത്ത മഴ ലഭിച്ചു തുടങ്ങുമെന്ന് കാലാവസ്ഥാ വിദഗ്ധൻ എസ്.കെ.ശരത് പറഞ്ഞു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/BYcevSuLs0dH5STbBgvWwr
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ