നിലമ്പൂർ – കോട്ടയം എക്സ്പ്രസ് എൻജിൻ തകരാർ മൂലം വഴിയിൽ കുടുങ്ങി

Perinthalmanna Radio
Date: 02-03-2023

നിലമ്പൂരിൽ നിന്ന് ഉച്ച കഴിഞ്ഞു 3ന് പുറപ്പെടുന്ന നിലമ്പൂർ – കോട്ടയം ഇന്റർ സിറ്റി എക്സ്പ്രസ് എൻജിൻ തകരാർ മൂലം വഴിയിൽ കുടുങ്ങി. ഒന്നര മണിക്കൂറിനു ശേഷം മറ്റൊരു എൻജിൻ കൊണ്ടു വന്നു യാത്ര പുനരാരംഭിച്ചു. തൊടികപ്പുലത്തിനും തുവ്വൂരിനുമിടയിലാണ് എൻജിൻ തകരാറായി നിന്നത്.

ഷൊർണൂരിൽ നിന്ന് എൻജിൻ എത്തിച്ച് വൈകിട്ട് അഞ്ചോടെ യാത്ര പുനരാരംഭിച്ചു. നിലമ്പൂർ – ഷൊർണൂർ പാതയിൽ വാണിയമ്പലം, അങ്ങാടിപ്പുറം സ്റ്റേഷനുകളിൽ മാത്രമാണ് ഈ ട്രെയിനിന് സ്റ്റോപ്പ് ഉള്ളത്. എൻജിൻ പണിമുടക്കിയതോടെ ഈ പാതയിൽ മറ്റു ട്രെയിൻ സർവീസുകളെല്ലാം വൈകി.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/EYuz71RniLNAdUHfxjrKjr
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ