Perinthalmanna Radio
Date: 15-05-2023
പെരിന്തൽമണ്ണ: ഒടമല മഖാമിൽ അന്ത്യവിശ്രമം കൊള്ളുന്ന ശൈഖ് ഫരീദ് ഔലിയ (റ)വിന്റെ നാലു മാസം നീണ്ടു നിന്ന ഈ വർഷത്തെ നേർച്ചക്ക് ഭക്തിനിർഭരമായ അന്തരീക്ഷത്തിൽ പരിസമാപ്തി. മഖാം നേർച്ച സമാപനത്തോടനുബന്ധിച്ച് ശനിയാഴ്ച രാത്രി നടന്ന മഖാം സിയാറത്തിന് കെ കെ സി എം തങ്ങൾ വഴിപ്പാറ നേതൃത്വം നൽകി. തുടർന്ന് നടന്ന ദുആ സമ്മേളനത്തിൽ മഹല്ല് മുദരിസ് ശരീഫ് ഫൈസി കാരക്കാട് അധ്യക്ഷത വഹിച്ചു. സമസ്ത കേരള ജംഇയ്യത്തുൽ ഉലമ വൈസ് പ്രസിഡന്റ് നെല്ലായ കുഞ്ഞുമുഹമ്മദ് മുസ്ലിയാർ ഉദ്ഘാടനം ചെയ്തു. ദാറുൽ ഹുദാ ഇസ്ലാമിക് യൂണിവേഴ്സിറ്റി പ്രൊഫസർ ഇസ്ഹാഖ് ബാഖവി ചെമ്മാട് മുഖ്യപ്രഭാഷണം നടത്തി. ഏലംകുളം ബാപ്പു മുസ്ലിയാർ ദുആ സമ്മേളനത്തിന് നേതൃത്വം നൽകി.
ചടങ്ങിൽ സയ്യിദ് ഹബീബുള്ള തങ്ങൾ, മുഹമ്മദ് ഹാജി, അഷ്റഫ് മൗലവി, ഉസ്മാൻ ദാരിമി, ഫവാസ് ഹുദവി,കരീം മൗലവി,അബുബക്കർ സഖാഫി,അബ്ബാസ് അൻവരി,ഹുസൈൻ ഹുദവി, ഇസ്മായിൽ ഫൈസി,ഹമീദ് ഹാജി, സത്താർ മാസ്റ്റർ എന്നിവർ പങ്കെടുത്തു..ഞായറാഴ്ച രാവിലെ നടന്ന മൗലിദ് പാരായണത്തിന് ആനമങ്ങാട് മുഹമ്മദ് കുട്ടി ഫൈസി, റസാഖ് ഫൈസി മേലാറ്റൂർ, മുഹമ്മദലി ഫൈസി ചെത്തല്ലൂർ, അബ്ദുൽ സലാം ഹുദവി, സിദീഖ് റഹ്മാനി,ശരീഫ് ഫൈസി കാരക്കാട്, നസീർ ബാഖവി ചേകന്നൂർ, ഷമീർ ഫൈസി ഒടമല, ഹിബത്തുള്ള ദാരിമി തൂത, ഫാറൂഖ് ഹുദവി, കുട്ടിപ്പ ഹാജി നെല്ലായ, അസീസ് ഹാജി പട്ടാമ്പി,എന്നിവർ നേതൃത്വം നൽകി. തുടർന്ന് ജാതിമതഭേദമന്യേ ആയിരങ്ങൾ പങ്കെടുത്ത അന്നദാനത്തോടെ ഈ വർഷത്തെ നേർച്ചയ്ക്ക് സമാപനമായി.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/D0DhxRdTjOQ5CuMBUmEPjg
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ