വൈലോങ്ങര- ഒരോടംപാലം ബൈപ്പാസ് ; അനധികൃതമായി അതിരുകല്ലിട്ടതായി ഭൂവുടമകൾ

Perinthalmanna Radio
Date: 24-06-2023

പെരിന്തൽമണ്ണ: വൈലോങ്ങര ബൈപ്പാസ് നിർമാണവുമായി ബന്ധപ്പെട്ട് തങ്ങളുടെ ഭൂമിയിൽ അനധികൃതമായി അതിരുകല്ല് സ്ഥാപിച്ചതായി ഭൂവുടമകൾ. വിജ്ഞാപനമോ നോട്ടീസോ നൽകാതെയും തങ്ങളെ അറിയിക്കാതെയുമാണ് കല്ല് സ്ഥാപിച്ചതെന്നും ഇതുസംബന്ധിച്ച് ജില്ലാ കളക്ടർക്കും ഭൂമിയേറ്റെടുക്കൽ തഹസിൽദാർക്കും പരാതി നൽകിയതായും ഭൂവുടമകൾ അറിയിച്ചു.

കൃഷിഭൂമിയിലൂടെ മേച്ചേരിപ്പറമ്പ് കോളനിയിലേക്കുള്ള റോഡിനായി നേരത്തെ നാലു സെന്റ് സ്ഥലം സൗജന്യമായി വിട്ടുകൊടുത്ത ഭൂവുടമകളുമുണ്ട്.

മൂന്നരമീറ്റർ വീതിയിലാണ് ഈ റോഡ് ഇപ്പോഴുമുള്ളത്. എന്നാൽ ഈ റോഡ് ഒഴിവാക്കി ഭൂമിയുടെ മറുഭാഗത്തുകൂടിയാണ് ബൈപ്പാസിന് അതിരുകല്ലിട്ടിട്ടുള്ളത്.

ഇത് കൃഷിഭൂമി ഇല്ലാതാക്കുന്നതാണെന്നും ഇവർ പറഞ്ഞു. നിലവിലുള്ള അലൈൻമെന്റ് താഴ്ന്ന പ്രദേശത്തുകൂടിയാണെന്നും റോഡുണ്ടാക്കിയാൽ മഴക്കാലത്ത് വെള്ളം കയറാൻ സാധ്യതയുണ്ടെന്നും ഇവർ പറഞ്ഞു. പി. അസൈനാർ, ജി. ഗോപാലകൃഷ്ണൻ, കൃഷ്ണൻ കോട്ടപ്പറമ്പിൽ, മുഹ്‌സിൻ സഖാഫി, പി. മുഹമ്മദ് ഷാഫി തുടങ്ങിയവർ പത്ര സമ്മേളനത്തിൽ പങ്കെടുത്തു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ