പരിയാപുരം ഫാത്തിമ മാതാ ഫൊറോന ദേവാലയ തിരുനാൾ കൊടിയേറി

Perinthalmanna Radio
Date: 28-01-2023

അങ്ങാടിപ്പുറം: പരിയാപുരം ഫാത്തിമ മാതാ ഫൊറോന ദേവാലയത്തിൽ ഇടവക മധ്യസ്ഥയായ പരിശുദ്ധ ഫാത്തിമ മാതാവിന്റെയും വിശുദ്ധ സെബസ്ത്യാനോസിന്റെയും സംയുക്ത തിരുനാൾ ആഘോഷത്തിന് തുടക്കമായി.

എപ്പിസ്‌കോപ്പൽ വികാരി ഫാ. ജെയിംസ് വാമറ്റത്തിൽ തിരുനാളിന് കൊടിയേറ്റി. അസി. വികാരി ഫാ. സിബിൻ കിളിയംപറമ്പിൽ സഹകാർമികനായി. വിശുദ്ധ കുർബാനയ്ക്കുശേഷം സെമിത്തേരി സന്ദർശിച്ച് ഒപ്പീസ് നടത്തി. ഹൈസ്‌കൂൾ അങ്കണത്തിൽ കലാസന്ധ്യയുണ്ടായി.

ശനിയാഴ്‌ച രാവിലെ ആറിന് ആരാധനയും വിശുദ്ധ കുർബാനയും പത്തിന് വയോജന കൂട്ടായ്‌മയും വിശുദ്ധ കുർബാനയും ഉണ്ടാകും.

വൈകീട്ട് മൂന്നിന് തിരുസ്വരൂപങ്ങൾ എഴുന്നള്ളിച്ചുവെക്കും. തുടർന്ന് നടക്കുന്ന തിരുനാൾ കുർബാനയിൽ ഫാ. സാജു തേക്കാനത്ത് സി.എഫ്.ഐ.സി. വചനസന്ദേശം നൽകും. 6.30-ന് വാദ്യമേളങ്ങളുടെ അകമ്പടിയോടെ കിഴക്കേമുക്ക് കുരിശുപള്ളിയിലേക്ക് പ്രദക്ഷിണം. 8.15-ന് വാദ്യമേളവും ആകാശവിസ്‌മയവും.

ഞായറാഴ്‌ച രാവിലെ ആറിന് നടക്കുന്ന ആരാധനയ്ക്കും കുർബാനയ്ക്കും ഫാ. ജെറിൻ കുര്യാളാനി എം.സി.ബി.എസ്. കാർമികത്വംവഹിക്കും.

തിരുനാൾ കുർബാനയിൽ ഫാ. ജോബിൻ പുതുപ്പറമ്പിൽ വിസിയാണ് മുഖ്യകാർമികൻ. 11.30-ന് പരിയാപുരം കുരിശുപള്ളിയിലേക്ക് പ്രദക്ഷിണം. 12.15-ന് സമാപന ആശീർവാദവും തുടർന്ന് വാദ്യഘോഷവും സ്‌നേഹ വിരുന്നും ഉണ്ടാകും.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/BuEppF2WClmF172FMFIJJx
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ