പെരിന്തൽമണ്ണ ജില്ല ആശുപത്രിയുടെ പരിതാവസ്ഥ ചൂണ്ടിക്കാട്ടി മന്ത്രിക്ക് നഗരസഭയുടെ നിവേദനം

Perinthalmanna Radio
Date: 07-01-2023

പെരിന്തൽമണ്ണ: ജില്ലാ ആശുപത്രിയുടെ പരിതാവസ്ഥ ചൂണ്ടി കാണിച്ച് പെരിന്തൽമണ്ണ നഗരസഭ അധികൃതർ ആരോഗ്യ മന്ത്രിക്ക് മുന്നിൽ. ആശുപത്രിയിലെ അപര്യാപ്തതകൾ പരിഹരിക്കണമെന്നും ആവശ്യമായ തസ്തികകൾ അനുവദിച്ച് ചികിത്സ സൗകര്യങ്ങൾ മെച്ചപ്പെടുത്തണമെന്നും ആവശ്യപ്പെട്ട് ചെയർമാൻ പി. ഷാജി, സ്ഥിരം സമിതി അധ്യക്ഷൻ കെ. ഉണ്ണി കൃഷ്ണൻ എന്നിവർ തിരുവനന്തപുരത്ത് മന്ത്രി വീണ ജോർജിന് നിവേദനം നൽകി. മാതൃ-ശിശു ബ്ലോക്കും ആശുപത്രി പ്രധാന ബ്ലോക്കും ദേശീയ പാതയുടെ രണ്ടു വശത്തായതിനാൽ ജീവനക്കാരും രോഗികളും ഏറെ ബുദ്ധി മുട്ടുന്നുണ്ട്. ജനങ്ങൾ അനുഭവിക്കുന്ന ഈ ബുദ്ധിമുട്ടുകൾ പരിഹരിക്കുന്നതിന് ആശുപത്രിയിൽ ആവശ്യമായ ജീവനക്കാരുടെ തസ്തിക അനുവദിക്കണമെന്നും രണ്ടു കെട്ടിടങ്ങളെ ബന്ധിപ്പിച്ച് മേൽപാലം നിർമിക്കണമെന്നും സാധാരണക്കാർക്ക് മെച്ചപ്പെട്ട സേവനം ലഭ്യമാക്കണമെന്നും നിവേദനത്തിൽ ആവശ്യപ്പെട്ടു.
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/BYcevSuLs0dH5STbBgvWwr
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ