ജില്ലാ ആശുപത്രിയിൽ സി.എച്ച്. സെന്ററിന്റെ സൗജന്യ ഭക്ഷണ വിതരണം തുടങ്ങി

Perinthalmanna Radio
Date: 24-03-2023

പെരിന്തൽമണ്ണ: ജില്ലാ ആശുപത്രിയിലെ രോഗികൾക്കും കൂട്ടിരിപ്പുകാർക്കും പെരിന്തൽമണ്ണ സി.എച്ച്. സെന്റർ സൗജന്യമായി നൽകുന്ന നോമ്പുകാല ഭക്ഷണ വിതരണം മുസ്‌ലിംലീഗ് സംസ്ഥാന പ്രസിഡന്റ് സാദിഖലി ശിഹാബ് തങ്ങൾ ഉദ്ഘാടനംചെയ്തു. നോമ്പുതുറ, അത്താഴ വിഭവങ്ങളാണ് വൊളന്റിയർമാർ മുഖേന ആശുപത്രിയിൽ നോമ്പു കാലത്ത് വിതരണം ചെയ്യുക.

നിർമാണം പുരോഗമിക്കുന്ന പെരിന്തൽമണ്ണ സി.എച്ച്. സെന്ററിന്റെ സ്വന്തം കെട്ടിടം ജൂലായ് മാസത്തോടെ പ്രവർത്തനം തുടങ്ങാനാകുമെന്ന് പ്രതീക്ഷിക്കുന്നതായി സാദിഖലി തങ്ങൾ പറഞ്ഞു. സേവന മേഖല പെരിന്തൽമണ്ണയുടെ പരിസര പ്രദേശങ്ങളിലേക്കും വ്യാപിപ്പിക്കും. ജില്ലാ ആശുപത്രിയിൽ ശിഹാബ് തങ്ങൾ ചാരിറ്റബിൾ ട്രസ്റ്റ് നടത്തിയിരുന്ന ഭക്ഷണ വിതരണം ഈ വർഷം മുതൽ സി.എച്ച്. സെന്ററാണ് നിർവഹിക്കുന്നത്.

നജീബ് കാന്തപുരം എം.എൽ.എ, സി.എച്ച്. സെന്റർ ജനറൽ സെക്രട്ടറി എ.കെ. മുസ്തഫ, ജില്ലാ ആശുപത്രി സൂപ്രണ്ട് ഡോ. സി. ബിന്ദു, ആർ.എം.ഒ. അബ്ദുൾറസാഖ്, ഡോ. ഷാജി അബ്ദുൾഗഫൂർ, കുറ്റീരി മാനുപ്പ, ചമയം ബാപ്പു, മുഹമ്മദ് കോയ തങ്ങൾ, വി. ബാബുരാജ്, സി.എച്ച്. സെന്റർ, മണ്ഡലം മുസ്‌ലിംലീഗ്, യൂത്ത്‌ലീഗ്, പ്രവാസി ലീഗ്, എം.എസ്.എഫ്., കെ.എം.സി.സി, സി.എച്ച്. സെൻറർ ബ്ലഡ് ഡോണേഴ്‌സ് ഫോറം തുടങ്ങിയവയുടെ ഭാരവാഹികളും പങ്കെടുത്തു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/E2dEC1CYZr68WrVmzEEgSL
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ