Perinthalmanna Radio
Date: 23-06-2023
പെരിന്തൽമണ്ണ ജില്ലാ ആശുപത്രിയിൽ ഇന്ന് രണ്ട് പാമ്പിനെ കൂടി പിടികൂടി. അതിൽ ഒന്നിനെ സർജിക്കൽ വാർഡിലെ വാതിലിന്റെ ഫ്രെയ്മിനുള്ളിൽ നിന്നാണ് പിടി കൂടിയത്. വാതിൽ അഴിച്ചുമാറ്റിയ ശേഷം ട്രോമാകെയർ പ്രവർത്തകർ അടക്കമുള്ളവർ ചേർന്ന് പാമ്പിനെ കുപ്പിയിലാക്കി
വാതിലിന്റെ ഫ്രെയ്മിനുള്ളിൽ വെള്ളമൊഴിച്ചാണ് പാമ്പിനെ പുറത്തെത്തിച്ച് പിടികൂടിയത്. വ്യാഴാഴ്ച സർജിക്കൽ വാർഡിനോടു ചേർന്നുള്ള പഴയ ഓപ്പറേഷൻ തീയേറ്ററിൽ മുറിയിൽ മൂന്ന് മൂർഖൻ പാമ്പിന്റെ കുഞ്ഞുങ്ങളെ കണ്ടെത്തിയിരുന്നു. ഇതോടെ ഒരാഴ്ചയ്ക്കുള്ളിൽ 16 പാമ്പുകളെയാണ് ഇവിടെ നിന്നു പിടികൂടിയത്.
ബുധനാഴ്ചയോടെ മുഴുവൻ രോഗികളേയും സർജിക്കൽ വാർഡിൽനിന്ന് മാറ്റിയതിനാൽ വാർഡും പരിസരവും ആളൊഴിഞ്ഞിരിക്കുകയാണ്. പാമ്പ് വരുന്നതെന്ന് കരുതുന്ന മാളങ്ങൾ അടക്കാൻ നിർദേശം നൽകിയിട്ടുണ്ട്. നവീകരണം കഴിഞ്ഞ ശേഷമായിരിക്കും ഇനി സർജിക്കൽ വാർഡ് തുറക്കുക. റോഡിന് എതിർവശത്തുള്ള മാതൃശിശു ബ്ലോക്കിൽ സുരക്ഷാപ്രവൃത്തികൾ നടക്കുകയാണ്. ഇത് 15 ദിവസത്തിനകം പൂർത്തിയാക്കാമെന്ന് അറിയിച്ചിട്ടുണ്ടെന്നും അതുകഴിഞ്ഞാൽ വാർഡും തീയേറ്ററും അവിടേക്ക് മാറ്റുമെന്നും ഡി.എം.ഒ. അറിയിച്ചിരുന്നു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ