പെരിന്തൽമണ്ണ നിയമസഭാ തിരഞ്ഞെടുപ്പിലെ ബാലറ്റുകൾ പരിശോധിക്കണമെന്ന് ഹൈക്കോടതി

Perinthalmanna Radio
Date: 10-02-2023

പെരിന്തൽമണ്ണ നിയമസഭാ തിരഞ്ഞെടുപ്പിലെ ബാലറ്റുകൾ പരിശോധിക്കണമെന്ന് ഹൈക്കോടതി. സ്പെഷ്യൽ ബാലറ്റുകളിൽ കൃത്രിമം നടന്നിട്ടുണ്ടോയെന്ന് കണ്ടെത്തണമെന്നാണ് ഹോക്കോടതിയുടെ ഇടക്കാല ഉത്തരവ്. പെരിന്തൽമണ്ണ എം.എൽ.എ. നജീബ് കാന്തപുരത്തിന്റെ തിരഞ്ഞെടുപ്പ് വിജയം ചോദ്യംചെയ്ത് എതിർസ്ഥാനാർഥിയായിരുന്ന ഇടത് സ്വതന്ത്രൻ കെ.പി.എം. മുസ്തഫയാണ് ഹർജി നൽകിയത്.

ഈ ഹർജി പരിശോധിക്കുന്ന സാഹചര്യത്തിലായിരുന്നു ബാലറ്റ് പെട്ടി കാണാതായത് കോടതിയുടെ ശ്രദ്ധയിൽപ്പെടുന്നത്. പിന്നീട് ഹൈക്കോടതി നിർദ്ദേശത്തെത്തുടർന്ന് ബാലറ്റ് പെട്ടി കണ്ടെത്തി ഹൈക്കോടതിയെ ഏൽപ്പിച്ചിരുന്നു. തന്റെ അറിവിൽ ബാലറ്റിൽ ഒരു കൃത്രിമവും നടന്നിട്ടില്ല എന്നതായിരുന്നു നജീബ് കാന്തപുരത്തിന്റെ നിലപാട്. ഉദ്യോഗസ്ഥരുടെ ഭാഗത്ത് എന്തെങ്കിലും തെറ്റ് സംഭവിച്ചിട്ടുണ്ടോ എന്ന തനിക്കറിയില്ല. താനും മുന്നണിയും തെറ്റുകാരല്ലെന്നും നജീബ് വ്യക്തമാക്കിയിരുന്നു.

നിയമസഭാ തിരഞ്ഞെടുപ്പിൽ 38 വോട്ടുകൾക്കാണ് നജീബ് കാന്തപുരം ജയിച്ചത്. പോസ്റ്റൽ വോട്ടുകൾ മുഴുവൻ എണ്ണാതെ അസാധുവാക്കിയതാണ് തന്റെ തോൽവിക്കിടയാക്കിയതെന്നാണ് മുസ്തഫയുടെ ആരോപണം. എണ്ണാതിരുന്ന 348 പോസ്റ്റൽ വോട്ടുകളിൽ 300 വോട്ടെങ്കിലും തനിക്ക് കിട്ടുമായിരുന്നു. പോസ്റ്റൽ വോട്ടുകൾ എണ്ണാതിരുന്നതിന് കാരണങ്ങളില്ല. ഇതുമായി ബന്ധപ്പെട്ട നടപടിക്രമങ്ങൾ പാലിച്ചിട്ടില്ലെന്നും ഹർജിയിൽ പറയുന്നു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/BuEppF2WClmF172FMFIJJx
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ