തപാൽ ബാലറ്റ് കാണാതായ സംഭവത്തിൽ ട്രഷറി ഉദ്യോഗസ്ഥർക്ക് വീഴ്ചപറ്റിയതായി റിപ്പോർട്ട്

Share to

Perinthalmanna Radio
Date: 14-03-2023

പെരിന്തൽമണ്ണ നിയമസഭാ തിരഞ്ഞെടുപ്പിന്റെ തപാൽ വോട്ടുകൾ അടങ്ങിയ പെട്ടി സബ് ട്രഷറിയുടെ സ്‌ട്രോങ് റൂമിൽ നിന്ന് കാണാതായ സംഭവത്തിൽ ടഷറി ഉദ്യോഗസ്ഥരുടെ വീഴ്ച സ്ഥിരീകരിച്ച് ട്രഷറി ജോയിന്റ് ഡയറക്ടർ ജോൺ ജോസഫ് റിപ്പോർട്ട് നൽകി. സബ് ട്രഷറി ഓഫീസർ എൻ. സതീഷ് കുമാർ, സീനിയർ അക്കൗണ്ടന്റ് എസ്. രാജീവ് എന്നിവരുടെ വീഴ്ച സ്ഥിരീകരിക്കുന്ന റിപ്പോർട്ട് സംസ്ഥാന ട്രഷറി ഡയറക്ടർ വി. സാജനു കൈമാറി.

എന്നാൽ, റിപ്പോർട്ട് തന്റെ മേശപ്പുറത്ത് വന്നിട്ടില്ലെന്നും ഉദ്യോഗസ്ഥരുടെ വീഴ്ച വ്യക്തമായതിനാൽ നടപടിയുണ്ടാകുമെന്നും ട്രഷറി ഡയറക്ടർ വി. സാജൻ പറഞ്ഞു. ഇരുവരും സസ്പെൻഷനിലാണ്. നേരത്തെ മധ്യമേഖലാ ട്രഷറി ഡെപ്യൂട്ടി ഡയറക്ടർ പി. സുരേഷ് നടത്തിയ പ്രാഥമിക അന്വേഷണത്തിലും ഉദ്യോഗസ്ഥർക്ക് വീഴ്ച സംഭവിച്ചതായി പറഞ്ഞിരുന്നു.

ഏതാനും ദിവസം മുൻപാണ് ജോൺ ജോസഫ് റിപ്പോർട്ട് നൽകിയത്. രസീത് ഒത്തു നോക്കുന്നതിൽ വീഴ്ച പറ്റിയെന്നാണ് റിപ്പോർട്ടിലുള്ളത്. നിയമസഭാ തിരഞ്ഞെടുപ്പ് സാമഗ്രികൾ സൂക്ഷിച്ച പെട്ടിയുടെ നമ്പർ 21 ആയിരുന്നു. പെരിന്തൽമണ്ണ ബ്ലോക്ക് പഞ്ചായത്ത് തിരഞ്ഞെടുപ്പിന്റെ സാമഗ്രികൾ സൂക്ഷിച്ചിരുന്നത് 121-ാം നമ്പർ പെട്ടിയിലും. 21-ന് പകരം 121-ാം നമ്പർ പെട്ടി നൽകിയതാണ് പ്രശ്‌നത്തിന് ഇടയാക്കിയത്.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/EYuz71RniLNAdUHfxjrKjr
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ

Share to

Leave a Reply

Your email address will not be published. Required fields are marked *