പെരിന്തൽമണ്ണ തിരഞ്ഞെടുപ്പ് രേഖകൾ നഷ്ടമായതിൽ അന്വേഷണം പൂർത്തിയായെന്ന് തിരഞ്ഞെടുപ്പ് കമ്മിഷൻ

Perinthalmanna Radio
Date: 15-03-2023

പെരിന്തൽമണ്ണ നിയോജക മണ്ഡലത്തിലെ തിരഞ്ഞെടുപ്പ് രേഖകളടങ്ങിയ പെട്ടി കാണാതായ സംഭവത്തിൽ അന്വേഷണം പൂർത്തിയായതായി തിരഞ്ഞെടുപ്പ് കമ്മിഷൻ ഹൈക്കോടതിയിൽ അറിയിച്ചു.

റിപ്പോർട്ട് നൽകാൻ കമ്മിഷൻ സമയം തേടി. തിരഞ്ഞെടുപ്പ് രേഖകളടങ്ങിയ പെ‍ട്ടി കാണാതായ സംഭവത്തിൽ അന്വേഷണത്തിന് ഹൈക്കോടതിയാണ് നിർദേശം നൽകിയത്.

പെരിന്തൽമണ്ണ നിയോജക മണ്ഡലത്തിലെ എം.എൽ.എ. നജീബ് കാന്തപുരത്തിന്റെ തിരഞ്ഞെടുപ്പ് വിജയം ചോദ്യം ചെയ്ത് ഇടത് സ്വതന്ത്രനായിരുന്ന കെ.പി. മുഹമ്മദ് മുസ്തഫ ഫയൽ ചെയ്ത തിരഞ്ഞെടുപ്പ് ഹർജിയാണ് ജസ്റ്റിസ് എ. ബദറുദ്ദീന്റെ ബെഞ്ച് പരിഗണിക്കുന്നത്.

ഹർജി മാർച്ച് 24-ന് വീണ്ടും പരിഗണിക്കും. നജീബ് 38 വോട്ടുകൾക്കാണ് വിജയിച്ചത്. സാങ്കേതിക കാരണങ്ങളാൽ 340 പോസ്റ്റൽ വോട്ടുകൾ എണ്ണാതെ മാറ്റിവെച്ചുവെന്നും ഇതിൽ മുന്നൂറോളം വോട്ടുകൾ തനിക്കാണ് ലഭിച്ചതെന്നും ചൂണ്ടിക്കാട്ടിയാണ് മുസ്തഫ ഹർജി നൽകിയിരിക്കുന്നത്.

തിരഞ്ഞെടുപ്പ് രേഖകൾ സബ് ട്രഷറിയിൽനിന്ന്‌ കാണാതായത് നേരത്തേ വലിയ വിവാദമായിരുന്നു. നിലവിൽ തിരഞ്ഞെടുപ്പ് രേഖകൾ ഹൈക്കോടതിയിലാണ് സൂക്ഷിച്ചിരിക്കുന്നത്.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/EYuz71RniLNAdUHfxjrKjr
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ