Perinthalmanna Radio
Date: 28-05-2023
പെരിന്തൽമണ്ണ : നഗരസഭയിലെ വീടുകളിൽ നിന്നുള്ള പ്ലാസ്റ്റിക് ഒഴികെയുള്ള അജൈവ മാലിന്യം വീട്ടുകാരിൽ നിന്ന് വില ഈടാക്കി നഗരസഭ ശേഖരിക്കും. ഒരു കിലോ ഗ്രാമിന് 10 രൂപ തോതിലാണ് വീട്ടുകാർ നൽകേണ്ടത്. നിലവിൽ പ്ലാസ്റ്റിക് കവറുകളും അനുബന്ധ വസ്തുക്കളും മാത്രമാണ് ഹരിത കർമ സേന വീടുകളിൽ നിന്ന് ശേഖരിക്കുന്നത്. അതിൽ ഉൾപ്പെടാത്ത വസ്തുക്കളാണ് വാർഡുകളിലെ ഒരു കേന്ദ്രത്തിൽ വെച്ച് നഗരസഭ പണം ഈടാക്കി ഏറ്റെടുക്കുക. നഗരസഭയിൽ 50 ബ്യൂട്ടി സ്പോട്ടുകൾ പൊതുജന പങ്കാളിത്തത്തോടെ സജ്ജീകരിക്കും.
34 വാർഡുകളിലും ഓരോ ബ്യൂട്ടി സ്പോട്ടുകൾ കൗൺസിലറുടെയും പൊതു ജനങ്ങളുടെ കൂടി അഭിപ്രായത്തോടെ നിർമിക്കും. നഗര പ്രദേശങ്ങളിൽ നഗരസഭയുടെ നേതൃത്വത്തിലുമാണ് ബ്യൂട്ടി സ്പോട്ടുകൾ നിർമിക്കുക. വീടുകളിൽ എത്തി വീട്ടുകാർക്ക് വില നൽകി സ്വകാര്യ ഏജന്റുമാർ ശേഖരിക്കുന്ന പാഴ്വസ്തുക്കളാണ് ഇത്തരത്തിൽ ഏറ്റെടുക്കുക. വില കണക്കാക്കി ഏത് ഏജൻസിക്ക് വേണമെങ്കിലും പാഴ് വസ്തുക്കൾക്ക് നൽകാമെന്നും ഇവ നീക്കൽ മാത്രമാണ് നഗരസഭ ലക്ഷ്യമിടുന്നതെന്നും അതിന് വേണ്ടിയാണ് വീട്ടുകാരിൽ നിന്ന് പണം വാങ്ങി ഇവ ഏറ്റെടുക്കുന്നതെന്നും നഗരസഭ അധികൃതർ അറിയിച്ചു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/FI3ej2Q2HPOAVXXzE9Z7oK
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ