നഗരസഭയിലെ എല്ലാ വാർഡുകളിലും ശുചീകരണ പ്രവർത്തനങ്ങൾ നടത്തും

Perinthalmanna Radio
Date: 23-06-2023

പെരിന്തൽമണ്ണ: നഗരസഭയുടെ സമീപ പ്രദേശങ്ങളിലും ജില്ലാ ആശുപത്രിയിലും പകർച്ചവ്യാധികൾ റിപ്പോർട്ട് ചെയ്യുന്ന സാഹചര്യത്തിൽ രോഗപ്രതിരോധ പ്രവർത്തനങ്ങൾ ഊർജിതമാക്കുന്നതിനായി അവലോകനയോഗം ചേർന്നു. എല്ലാ വാർഡുകളിലും കെട്ടിക്കിടക്കുന്ന വെള്ളം, മാലിന്യം എന്നിവ ഒഴിവാക്കുന്നതിനും ക്ലോറിനേഷൻ നടത്തുന്നതിനും തീരുമാനിച്ചു. ഇതിന് ആശാവർക്കർ, കുടുംബശ്രീ പ്രവർത്തകർ, വാർഡ്തല ശുചിത്വസമിതി എന്നിവർ നേതൃത്വംനൽകും.

സംസ്ഥാനസർക്കാരിന്റെ തീരുമാനപ്രകാരം എല്ലാവരും 24, 25 തീയതികൾ ഡ്രൈ ഡേ ആയി ശുചീകരണ പ്രവർത്തനം നടത്താനും തിരുമാനിച്ചു. ബോധവത്കരണ നടപടികളും കൈക്കൊള്ളും. നഗരസഭാ കോൺഫറൻസ് ഹാളിൽ ചേർന്ന യോഗം അധ്യക്ഷൻ പി. ഷാജി ഉദ്ഘാടനംചെയ്തു. അംഗം അമ്പിളി മനോജ് അധ്യക്ഷതവഹിച്ചു. അഡ്വ. ഷാൻസി നന്ദകുമാർ, കൃഷ്ണപ്രിയ, മെഡിക്കൽ ഓഫീസർ തസ്‌നീം, ഡോ. എ. മനോജ്കുമാർ, ഡോ. സാബിറ, നഗരസഭാ സെക്രട്ടറി ജി. മിത്രൻ, ഹെൽത്ത് സൂപ്പർവൈസർ സി.കെ. അബ്ദുൾ നാസർ, ഹെൽത്ത് ഇൻസ്പെക്ടർ കൃഷ്ണകുമാർ തുടങ്ങിയവർ പങ്കെടുത്തു. ജെ.എച്ച്.ഐ. സെന്തിൽകുമാർ പകർച്ചവ്യാധികൾ പ്രതിരോധ പ്രവർത്തനങ്ങൾ എന്നിവയെപ്പറ്റി വിശദീകരിച്ചു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ