Perinthalmanna Radio
Date: 11-07-2023
പെരിന്തൽമണ്ണ: കാറിൽ കടത്തുകയായിരുന്ന 166 കിലോ കഞ്ചാവുമായി രണ്ടുപേർ പെരിന്തൽമണ്ണയിൽ പിടിയിൽ. വയനാട് മുട്ടിൽ സ്വദേശി ഇല്ലിക്കോട്ടിൽ മുഹമ്മദ് ഷാഫി(34) പാലക്കാട് ചെർപ്പുളശ്ശേരി കൈലിയാട് സ്വദേശി കുന്നപ്പുള്ളി മുഹമ്മദ് അഷ്റഫ് എന്നിവരെയാണ് പെരിന്തൽമണ്ണ- ചെർപ്പുളശ്ശേരി റോഡിൽ നടത്തിയ പ്രത്യേക പരിശോധനയ്ക്കിടെ പോലീസ് പിടികൂടിയത്.
കർണാടക രജിസ്ട്രേഷനിലുള്ള കാറിൽ കഞ്ചാവ് കടത്തുന്നുവെന്ന രഹസ്യവിവരത്തെ തുടർന്ന് ചെർപ്പുളശ്ശേരി റോഡിലെ വള്ളുവനാട് സ്കൂളിന് സമീപത്തുവെച്ച് പോലീസ് ഇവരെ തടഞ്ഞുപരിശോധിക്കുകയായിരുന്നു.
ബെംഗളൂരു കേന്ദ്രീകരിച്ച് പ്രവർത്തിക്കുന്ന ഏജന്റുമാർ നൽകുന്ന ഓർഡറനുസരിച്ച് കേരളത്തിലേക്ക് കഞ്ചാവ് കടത്തി വിവിധയിടങ്ങളിൽ സംഭരിച്ച് വിൽപ്പന നടത്തുന്നവരാണ് പിടിയിലായതെന്ന് പോലീസ് പറഞ്ഞു. വയനാട് പടിഞ്ഞാറത്തറ പോലീസ് രജിസ്റ്റർ ചെയ്ത ലഹരിപാർട്ടി കേസിലെ പ്രതിയാണ് മുഹമ്മദ് ഷാഫി. അഷ്റഫ് ഒറ്റപ്പാലത്തെ കൊലക്കേസിലും ചെർപ്പുളശ്ശേരി എക്സൈസിന്റെ കഞ്ചാവ് കേസിലും പ്രതിയാണ്.
മലപ്പുറം ജില്ലാ പോലീസ് മേധാവി എസ്.സുജിത്ത് ദാസിന്റെ നിർദേശപ്രകാരം പെരിന്തൽമണ്ണ ഡിവൈ.ഐസ്.പി. എം.സന്തോഷ്കുമാർ, സി.ഐ. പ്രേംജിത്ത്, എസ്.ഐ. ഷിജോ.സി.തങ്കച്ചൻ എന്നിവരടങ്ങുന്ന പോലീസ് സംഘമാണ് പ്രതികളെ പിടികൂടിയത്.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ