ശക്തമായ മഴ തുടർന്നിട്ടും മലപ്പുറം ജില്ലയിലെ എല്ലാ വിദ്യാലയങ്ങൾക്കും ഇന്ന് അവധിയില്ല; അവധി പൊന്നാനി താലൂക്കില്‍ മാത്രം

Perinthalmanna Radio
Date: 06-07-2023

പെരിന്തൽമണ്ണ: ശക്തമായ മഴ തുടർന്നിട്ടും മലപ്പുറം ജില്ലയിലെ എല്ലാ വിദ്യാലയങ്ങൾക്കും ഇന്ന് അവധിയില്ല. പൊന്നാനി താലൂക്കിൽ മാത്രമാണ് അവധി പ്രഖ്യാപിച്ചിട്ടുള്ളത്. സംസ്ഥാനത്ത്  ഇന്നും അതിശക്തമായ മഴ തുടരാൻ സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽക്കുന്നത്. ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഓറഞ്ച് അലർട്ടാണ്.  തിരുവനന്തപുരം കൊല്ലം ഒഴികെയുള്ള മറ്റ് ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. മലപ്പുറം ജില്ലയിൽ അതിശക്തമായ മഴ തുടരാൻ സാധ്യത ഉള്ളത് കൊണ്ട് ഓറഞ്ച് അലർട്ട് പ്രഖ്യാപിച്ചിട്ടും ജില്ലയിലെ അവധി പൊന്നാനി താലൂക്കിൽ മാത്രമായി ഒതുങ്ങി. രാവിലെ തുടങ്ങുന്ന മഴയിൽ വിദ്യാർത്ഥികൾ ഏറെ ബുദ്ധിമുട്ടിയാണ് സ്കൂളുകളിലേക്കും മദ്രസ്സകളിലേക്കും എത്തുന്നത്.

ഓറഞ്ച് അലേർട്ട് ഇല്ലാത്ത ജില്ലകൾ ഉൾപ്പെടെ ഇന്ന് 11 ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് അവധിയാണ്. കാസർകോട്, കണ്ണൂർ, കോഴിക്കോട്, പാലക്കാട്, തൃശ്ശൂർ, എറണാകുളം, കോട്ടയം, ആലപ്പുഴ, ഇടുക്കി, പത്തനംതിട്ട, കൊല്ലം എന്നീ ജില്ലകളിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ഇന്ന്  അവധിയായാണ്. മലപ്പുറത്ത് പൊന്നാനി താലൂക്കിൽ മാത്രം അവധി പ്രഖ്യാപിച്ചു. എം ജി സർവകലാശാല ഇന്നത്തെ എല്ലാ പരീക്ഷകളും മാറ്റി.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ