വളാഞ്ചേരി റോഡിന്റെ വശങ്ങൾ ഉയർന്നത് വാഹനാപകടങ്ങൾക്ക് കാരണമാകുന്നു

Perinthalmanna Radio
Date: 18-06-2023

അങ്ങാടിപ്പുറം : പുനർ നിർമാണം നടത്തിയ വളാഞ്ചേരി റോഡിന്റെ വശങ്ങൾ ഉയർന്നു നിൽക്കുന്നത് വാഹനാപകടങ്ങൾക്ക് കാരണമാകുന്നു. റോഡ് ഉയർത്തിയപ്പോൾ വശങ്ങൾ നിരപ്പാക്കാത്തതു കാരണമാണ് വാഹനങ്ങൾ അപകടത്തിൽപ്പെടുന്നത്. കാൽനടക്കാർക്കും ഇത് ഏറെ പ്രയാസമുണ്ടാക്കുന്നു.‌
ഏറെക്കാലമായി തകർന്നുകിടക്കുന്ന റോഡ് രണ്ടാഴ്ച മുൻപാണ് പുതുക്കിപ്പണിതത്. റോഡ് ഉയർത്തിയെങ്കിലും വശങ്ങൾ നിരപ്പാക്കിയില്ല. ശനിയാഴ്ച രാവിലെ പള്ളിപ്പടി ഭാഗത്ത് റോഡിൽനിന്നിറങ്ങി ഓട്ടോറിക്ഷ അപകടത്തിൽപ്പെട്ടിരുന്നു. വെള്ളിയാഴ്ച രാവിലെ വൈലോങ്ങരയിൽ മറ്റൊരു ഓട്ടോറിക്ഷയും ബൈക്കും അപകടത്തിൽപ്പെട്ടു. പരിക്കേറ്റ യാത്രക്കാർ ചികിത്സയിലാണ്.‌ ഇരുചക്രവാഹനങ്ങളും ഓട്ടോറിക്ഷകളുമാണ് കൂടുതൽ അപകടത്തിൽപ്പെടുന്നത്. റോഡിന്റെ വശങ്ങൾ നിരപ്പാക്കി വാഹനയാത്രക്കാർക്കും കാൽനടക്കാർക്കും സുരക്ഷിതത്വം ഉറപ്പാക്കണമെന്നാണ് നാട്ടുകാരുടെ ആവശ്യം. 
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ