ആടിനെ പുലി പിടിച്ച സംഭവം; മുള്ള്യാകുര്ശ്ശിയില് ക്യാമറ സ്ഥാപിച്ചു
Perinthalmanna RadioDate: 03-02-2024പട്ടിക്കാട്: മുള്ള്യാകുർശ്ശിയില് ആടിനെ കടിച്ചു കൊണ്ടു പോയത് പുലി തന്നെയാണോയെന്ന് സ്ഥിരീകരിക്കാൻ പ്രദേശത്ത് ക്യാമറ സ്ഥാപിച്ച് വനം വകുപ്പ്.ആടിന്റെ അവശിഷ്ടങ്ങള് കണ്ടെത്തിയ ഭാഗത്താണ് ക്യാമറ സ്ഥാപിച്ചത്. വെള്ളിയാഴ്ച രാവിലെ പത്തോടെ വനം വകുപ്പ്, റാപ്പിഡ് റെസ്പോണ്സ് ടീം (ആർ.ആർ.ടി) അധികൃതർ സ്ഥലത്ത് വിശദ പരിശോധന നടത്തി.ആടിനെ കടിച്ചു കൊണ്ടു പോയ സ്ഥലത്തുനിന്ന് മീറ്ററുകള്ക്കകലെ നിന്ന് അവശിഷ്ടങ്ങള് കണ്ടെത്തി. ആടിനെ ഭാഗികമായി ഭക്ഷിച്ച നിലയിലാണുള്ളത്. ബി.എഫ്.ഒമാരായ എൻ.വി. രഞ്ജിത്ത്, പി. ധന്യരാജ് എന്നിവരും ഡ്രൈവർ അനീഷ് ബാബു, റെസ്ക്യൂ വാച്ചർ സാദിഖലി എന്നിവരുമാണ് പരിശോധനക്ക് നേതൃത്വം നല്കിയത്.കഴിഞ്ഞ ദിവസമാണ് ആടുകളെ മേയ്ക്കുന്നതിനിടെ കണ്മുന്നില് നിന്ന് ആടിനെ പുലി കടിച്ചു കൊണ്ടു പോയതായി ഉടമ പറഞ്ഞത്. മുള്ള്യാകുർശ്ശി മേല്മുറിയിലെ റബർതോട്ടത...
