നിലമ്പൂർ പാതയുടെ സൗന്ദര്യം കൺകുളിർക്കെ കണ്ടു യാത്ര ചെയ്യുന്നതിന് വിസ്റ്റാഡം കോച്ചുകൾ ആരംഭിക്കണം
Perinthalmanna RadioDate: 05-09-2024പെരിന്തൽമണ്ണ: ഷൊർണൂർ- നിലമ്പൂർ റെയിൽപാതയിൽ ഗുൽമോഹർ പൂക്കളാൽ ചുവന്നുകിടന്ന മേലാറ്റൂർ റെയിൽവേ സ്റ്റേഷൻ പ്ലാറ്റ്ഫോമിന്റെ സൗന്ദര്യം കോവിഡ് കാലത്തു കേന്ദ്ര റെയിൽവേ മന്ത്രിതന്നെ സമൂഹ മാധ്യമങ്ങളിൽ പോസ്റ്റ് ചെയ്തിരുന്നു. പ്രമുഖരായ ഒട്ടേറെ പേരാണ് അന്നിതു ഷെയർ ചെയ്ത് അഭിനന്ദനങ്ങൾ ചൊരിഞ്ഞത്. അത്രയ്ക്കുണ്ട് ഈ പാതയുടെ വശ്യസൗന്ദര്യം.മഞ്ഞു പെയ്യുന്ന, പച്ചപ്പുതപ്പണിഞ്ഞ റെയിൽപാത. തേക്കിൻകാടും ജലാശയങ്ങളും വയൽപരപ്പുകളും മലകളും പുഴകളുമെല്ലാം ഈ യാത്രയിൽ ആസ്വദിക്കാം. ഈ മനോഹാരിത ഒപ്പിയെടുത്ത മലയാള സിനിമകളുമേറെയുണ്ട്.പാത വൈദ്യുതീകരണവുമായി ബന്ധപ്പെട്ടു മേലാറ്റൂരിലെ ഗുൽമോഹർ ഉൾപ്പെടെ കുറേയേറെ മരങ്ങൾ മുറിച്ചുമാറ്റപ്പെട്ടെങ്കിലും പാതയുടെ സൗന്ദര്യത്തിന് ഇപ്പോഴും മങ്ങലേറ്റിട്ടില്ല. ഷൊർണൂർ – നിലമ്പൂർ പാതയിലെ ഒന്നര മണിക്കൂറോളം വരുന്ന ട്രെയിൻ യാത്ര കേരളത്തിൽ ടൂറിസ്...





