Tag: 070225

Perinthalmanna RadioDate: 07-02-2025 മഞ്ചേരി: പാലക്കാട്– കോഴിക്കോട് ഗ്രീൻഫീൽഡ് പാതയിലേക്ക് പ്രവേശന റോഡുകൾ മലപ്പുറം ജില്ലയിൽ ആറിടത്ത്. കൂടുതൽ സർവീസ് റോഡുകൾക്ക് ആവശ്യം ഉയരുന്നുണ്ടെങ്കിലും അനുവദിച്ചാൽ അതിവേഗ പാതയുടെ പ്രയോജനം ലഭിക്കില്ലെന്ന നിലപാടിലാണ് അധികൃതർ. കരുവാരകുണ്ട് വില്ലേജിൽ ഇരിങ്ങാട്ടിരി, ചെമ്പ്രശ്ശേരി വില്ലേജിൽ കൊടശ്ശേരി, കാക്കുന്ന് വില്ലേജിൽ ചീനിക്കൽ, അരീക്കോട് വില്ലേജിൽ പൂക്കോട്ടുചോല, ചീക്കോട് വില്ലേജിൽ ഇരുപ്പാൻതൊടി, വാഴയൂരിൽ പുഞ്ചപ്പാടം എന്നിവിടങ്ങളിൽ നിന്നായിരിക്കും പ്രവേശനം.എ.പി.അനിൽ കുമാർ എംഎൽഎ കേന്ദ്രമന്ത്രി നിതിൻ ഗഡ്കരിയോട് തുവ്വൂരിൽനിന്ന് സർവീസ് റോഡ് ആവശ്യപ്പെട്ടിരുന്നു. ഇതുസംബന്ധിച്ച് തീരുമാനമായിട്ടില്ലെന്നാണ് അധികൃതർ പറയുന്നത്. പ്രവേശന കേന്ദ്രങ്ങളിൽ ചിലത് മാറ്റം വരുത്താൻ സാധ്യതയുണ്ടെന്നാണു കരുതുന്നത്.ചരക്ക് വാഹനങ്ങൾ നിർത്തിയിടുന്നതിനും വിശ്രമകേന്ദ്രം...

Perinthalmanna RadioDate: 07-02-2025പെരിന്തൽമണ്ണ: പകുതി വിലയ്ക്ക് സ്കൂട്ടറുകളും വീട്ടുപകരണങ്ങളും വാഗ്ദാനം ചെയ്ത് പണംതട്ടിയ സംഭവവുമായി ബന്ധപ്പെട്ട് നജീബ് കാന്തപുരം എം.എൽ.എയ്ക്കെതിരെ കേസെടുത്ത് പെരിന്തൽമണ്ണ പോലീസ്. വഞ്ചനാ കുറ്റത്തിനുള്ള വകുപ്പുകൾ ചുമത്തിയാണ് എം.എൽ.എയ്ക്കെതിരെ കേസ്. പുലാമന്തോൾ സ്വദേശിനി അനുപമയുടെ പരാതിയിലാണ് പോലീസ് കേസെടുത്തിരിക്കുന്നത്.നജീബ് കാന്തപുരം എം.എൽ.എയും മറ്റൊരാളും ചേർന്ന് വിലയുടെ 50% മാത്രം നൽകിയാൽ ലാപ്ടോപ് തരാമെന്ന് പറഞ്ഞ് വഞ്ചിച്ചെന്നാണ് പരാതി. വാട്സാപ്പിലൂടെയും വാർത്താക്കുറിപ്പിലൂടെയും നേരിട്ടും പറഞ്ഞ് വിശ്വസിപ്പിച്ചു. കഴിഞ്ഞ സെപ്റ്റംബറിൽ എം.എൽ.എ. ഓഫീസിൽ വെച്ച് 21,000 രൂപ കൈപ്പറ്റിയെന്നും പരാതിയിൽ പറയുന്നു.40 ദിവസം കഴിഞ്ഞിട്ടും ലാപ്ടോപ് നൽകിയില്ലെന്നും പണം തിരികെ നൽകിയില്ലെന്നുമാണ് അനുപമയുടെ പരാതി. ഈ പരാതിയിലാണ് പെരിന്തൽമണ്ണ പോലീസ് കേസ് എടുത്തത്. ഭാരതീയ ...

Perinthalmanna RadioDate: 07-02-2025പെരിന്തല്‍മണ്ണ: സി എസ് ആര്‍ തട്ടിപ്പ് നടത്തിയെന്നാരോപിച്ച് നജീബ് കാന്തപുരം എംഎല്‍എയുടെ പെരിന്തല്‍മണ്ണയിലെ ഓഫീസിലേക്ക് ഡിവൈഎഫ്ഐ  മാര്‍ച്ച്. വീടിന് സമീപം മാര്‍ച്ച് പോലീസ് തടഞ്ഞു. അധിക്ഷേപ മുദ്രാവാക്യവുമായാണ് മാര്‍ച്ച് നടത്തിയത്. ബോഡി ഷെയിമിങ് മുദ്രാവാക്യമാണ് ഡിവൈഎഫ്‌ഐ പ്രവർത്തകർ വിളിച്ചത്.മാർച്ച് പൊലീസ് തടഞ്ഞു. പൊലീസും പ്രവർത്തകരും തമ്മിൽ ഉന്തും തള്ളുമുണ്ടായി. പി സരിനാണ് മാര്‍ച്ച് ഉദ്ഘാടനം ചെയ്തത്.അനന്തു കൃഷ്ണൻ നടത്തിയ സമാന തട്ടിപ്പ് നജീബ് കാന്തപുരം നടത്തിയെന്നും മുദ്ര ചാരിറ്റബിൾ ഫൗണ്ടേഷൻ കള്ളപ്പണം വെളുപ്പിക്കുന്നതിനുള്ള മറയാണെന്നും സരിന്‍ ആരോപിച്ചു.'പാതിവില തട്ടിപ്പിന് മുദ്ര ഫൗണ്ടേഷന്റെ പേരിൽ രസീത് അടിച്ചുനൽകി. 20,000 രൂപ വാങ്ങേണ്ട ലാപ്ടോപിന് നജീബ് കാന്തപുരം 21,000 മുതൽ 27,000 രൂപ വരെ വാങ്ങിയെന്നും സരിന്‍ ആരോപിച്ചു. മുദ്ര ഫൗണ്ട...

Perinthalmanna RadioDate: 07-02-2025സംസ്ഥാനത്തെ ഭൂനികുതി കുത്തനെ കൂട്ടി രണ്ടാംപിണറായി സര്‍ക്കാരിന്‍റെ അവസാന സമ്പൂര്‍ണബജറ്റ്. എല്ലാ സ്ലാബിലും 50 ശതമാനം വര്‍ധനയാണ് ധനമന്ത്രി പ്രഖ്യാപിച്ചത്. കുറഞ്ഞ സ്ലാബില്‍ ആര്‍ ഒന്നിന് (2.7 സെന്‍റ് ഭൂമി) അഞ്ച് രൂപയില്‍ നിന്ന് ഏഴര രൂപയായി വര്‍ധിച്ചു. ഉയര്‍ന്ന സ്ലാബിലെ 30 രൂപ 45 രൂപയായും മാറും. സംസ്ഥാനത്തിന്‍റെ സമഗ്ര വികസനത്തെ തുടര്‍ന്ന് ഭൂമിയുടെ മൂല്യവും അതിന്‍റെ വരുമാന സാധ്യതകളും പതിന്‍മടങ്ങ് വര്‍ധിച്ചുവെന്നും അത് വച്ച് നോക്കുമ്പോള്‍ നിലവില്‍ ഈടാക്കുന്ന ഭൂനികുതി നാമമാത്രമാണെന്നുമാണ് ബജറ്റിലെ വിലയിരുത്തല്‍. ഇതിലൂടെ മാത്രം 100 കോടി രൂപയുടെ അധിക വരുമാനമാണ് സര്‍ക്കാര്‍ ലക്ഷ്യമിടുന്നത്.കോടതി ഫീസിലും വന്‍ വര്‍ധനയാണ് ബജറ്റില്‍ പ്രഖ്യാപിച്ചിത്. ജാമ്യാപേക്ഷയ്ക്ക് 500 രൂപയാക്കി. കോര്‍ട്ട് ഫീസ് ആക്ട് പ്രകാരമുള്ള 15 ഫീസുകളിലും വര്‍ധനയുണ്ട്. അതേസമയം പൊതുതാല...

Perinthalmanna RadioDate: 07-02-2025പെരിന്തൽമണ്ണ : അമ്പതു ശതമാനം സി.എസ്.ആർ. ഫണ്ട് ഉപയോഗിച്ചും അമ്പതു ശതമാനം ഗുണഭോക്താക്കളിൽനിന്ന് ഈടാക്കിയും പകുതി വിലയിൽ വിദ്യാർഥികൾക്ക് ലാപ്ടോപ്പ്, വനിതകൾക്ക് സ്കൂട്ടർ, തയ്യൽ മെഷീൻ, ഗൃഹോപകരണങ്ങൾ, കർഷകർക്ക് ജൈവവളം എന്നിവ വിതരണം ചെയ്യുമെന്ന് വാഗ്ദാനം നൽകി നാഷണൽ എൻ.ജി.ഒ. കോൺഫെഡറേഷൻ എന്ന സംഘടന പെരിന്തൽമണ്ണയിൽ നടത്തിയത് 2.5 കോടിയിലേറെ രൂപയുടെ തട്ടിപ്പ്.മുദ്ര ചാരിറ്റബിൾ ഫൗണ്ടേഷൻ വഴി 168 പേരാണ് സ്കൂട്ടറിന്റെ പകുതി വിലയായ 60,000 രൂപ പണമടച്ച് സ്കൂട്ടർ കിട്ടാതെ കബളിപ്പിക്കപ്പെട്ടതിലുള്ളത്. ഒരു കോടി രൂപയിലേറെ വരും സ്കൂട്ടറിന്റെ പേരിൽ തട്ടിയ തുക മാത്രം. 316 പേർ ലാപ്ടോപ്പിനായി 20,000 രൂപയും അടച്ചിട്ടുണ്ട്.24 പേർ തയ്യൽ മെഷീനിനും 24 പേർ ഗൃഹോപകരണങ്ങൾക്കും പണം അടച്ചിട്ടുണ്ട്. നാഷണൽ എൻ.ജി.ഒ. കോൺഫെഡറേഷൻ എന്ന സംഘടന നജീബ് കാന്തപുരം എം.എൽ.എ.യുടെ മുദ്ര ചാരിറ്റബി...

Perinthalmanna RadioDate: 07-02-2025പെരിന്തൽമണ്ണ : ഇന്ന് അവതരിപ്പിക്കുന്ന സംസ്ഥാന ബജറ്റിൽ വിവിധ പദ്ധതികളിൽ പ്രതീക്ഷയർപ്പിക്കുകയാണ് പെരിന്തൽമണ്ണക്കാർ. ബജറ്റിൽ ഉൾപ്പെടുത്തുന്നതിനായി നജീബ് കാന്തപുരം എംഎൽഎ സമർപ്പിച്ച 20 പദ്ധതികളിൽ പെരിന്തൽമണ്ണയുടെ കാലങ്ങളായുള്ള സ്വപ്ന പദ്ധതിയായ ഓരാടംപാലം–മാനത്തുമംഗലം ബൈപാസുമുണ്ട്. സ്ഥലമെടുപ്പിനും മറ്റ് പ്രാഥമിക പ്രവർത്തനങ്ങൾക്കും വേണ്ടിയുള്ള 15 കോടി രൂപയുടെ പദ്ധതിയാണ് സമർപ്പിച്ചത്. വിവിധ റോഡുകളുടെ പുനരുദ്ധാരണം, പുലാമന്തോൾ–കൊളത്തൂർ റോഡ് നവീകരണം, തൂതപ്പുഴയിൽ ഏലംകുളം പറയൻതുരുത്ത്–മാട്ടായ പാലം, പെരിന്തൽമണ്ണ–തൂത റോഡ് നവീകരണം രണ്ടാംഘട്ടം, പെരിന്തൽമണ്ണ, പുലാമന്തോൾ, താഴേക്കോട്, കരിങ്കല്ലത്താണി, വെട്ടത്തൂർ, മേലാറ്റൂർ നഗരനവീകരണം, എളാട് മപ്പാട്ടുകര–പള്ളിക്കടവ് പാലം, വെട്ടത്തൂർ പൂങ്കാവനം ഡാമിനോട് ചേർന്ന് ഉദ്യാന പാർക്ക്, നിയോജക മണ്ഡലത്തിലെ മുഴുവൻ പഞ്ചായത്തുകളിലും ...