പാണ്ടിക്കാട് അങ്ങാടിയിൽ ഗതാഗതക്കുരുക്ക് രൂക്ഷം
Perinthalmanna RadioDate: 09-11-2025 പാണ്ടിക്കാട്: സന്ധ്യയായാൽ പാണ്ടിക്കാട് അങ്ങാടി ഗതാഗതക്കുരുക്കിൽ വീർപ്പുമുട്ടുന്നു. ഇതുമൂലം വഴിയാത്രക്കാരും വ്യാപാരികളും ദുരിതത്തിലായി. ഇന്നലെ വൈകിട്ട് തുടങ്ങിയ ഗതാഗതക്കുരുക്ക് രാത്രി 8.30 വരെ നീണ്ടു. പ്രധാനപ്പെട്ട 4 റോഡുകളിലൂടെയും വരുന്ന വാഹനങ്ങൾ ജംക്ഷൻ കടക്കാൻ കഴിയാതെ കുരുക്കിൽപെടുകകയാണ്. ടൗണിൽനിന്നു പുറത്തുകടക്കാൻ മണിക്കൂറോളം കാത്തുനിൽക്കേണ്ട അവസ്ഥ.മഞ്ചേരി റോഡിലും വണ്ടൂർ റോഡിലുമെത്തിയാൽ വാഹനങ്ങൾ ഒട്ടൊന്നുമല്ല പ്രയാസപ്പെടുന്നത്. മഞ്ചേരി റോഡിനെയും വണ്ടൂർ റോഡിനെയും ബന്ധിച്ചുള്ള ബൈപാസിന് പദ്ധതിനിർദേശങ്ങളുണ്ടെങ്കിലും ഒന്നും പ്രാവർത്തികമായിട്ടില്ല.മേലങ്ങാടിയിൽനിന്ന് മേലാറ്റൂർ - വണ്ടൂർ റോഡിനെയും പെരിന്തൽമണ്ണ റോഡിനെയും ബന്ധിപ്പിച്ചുള്ള ബൈപാസ് റോഡുകളുണ്ട്. പക്ഷേ ദൂരസ്ഥലത്തുനിന്നു വരുന്ന വാഹനങ്ങൾക്ക് ഇക്കാര്യം അറിയില്ല.ഒരു റോഡിലും ബൈപാസ് തുടങ്ങുന്നിടത്ത് ദിശാ...
