Tag: 170525

Perinthalmanna RadioDate: 17-05-2025പെരിന്തല്‍മണ്ണ: പൂപ്പലം, വലമ്പൂർ ഭാഗങ്ങളില്‍ തെരുവു നായുടെ കടിയേറ്റ് മൂന്നു പേർ ചികിത്സ തേടി. വെള്ളിയാഴ്ച രാവിലെ എട്ടിന് ആളുകള്‍ കൂടിനിന്ന് സംസാരിക്കുന്നതിനിടെ എത്തിയ നായ് 15കാരനെ കടിച്ചു. വലമ്പൂരിലെ യൂസുഫിന്റെ മകൻ ഹനാൻ ത്വയ്യിബിനാണ് കടിയേറ്റത്. പെരിന്തല്‍മണ്ണ ജില്ല ആശുപത്രിയില്‍ പ്രവേശിപ്പിച്ചു. വലമ്പൂർ എല്‍.പി സ്‌കൂളിനു സമീപമാണ് സംഭവം. കുട്ടികള്‍ മദ്റസയിലേക്കു പോകുന്ന വഴിയാണിത്.പൂപ്പലത്ത് മറ്റൊരാളെയും അല്‍പം കഴിഞ്ഞ് തെരുവുനായ് കടിച്ചു. വീടിനു സമീപം നില്‍ക്കവെയാണ് ഇയാള്‍ക്ക് കടിയേറ്റത്. രണ്ടു ദിവസം മുമ്പ് വലമ്പൂരില്‍ പള്ളിക്കു സമീപം മധ്യ വയസ്കനെയും നായുടെ കടിയേറ്റ് ആശുപത്രിയില്‍ പ്രവേശിപ്പിച്ചിരുന്നു. മേഖലയില്‍ തെരുവു നായ്ക്കളുടെ എണ്ണം വർധിച്ചിട്ടുണ്ട്. തെരുവുനായ് ശല്യം പരിഹരിക്കാൻ നടപടി വേണമെന്ന് നാട്ടുകാർ ആവശ്യപ്പെട്ടു.®Perinthalmanna...

Perinthalmanna RadioDate: 17-05-2025പെരിന്തൽമണ്ണ: ജില്ലയിൽ വീണ്ടും നിപ്പ സ്ഥിരീകരിച്ചതിനെത്തുടർന്ന് അന്വേഷണത്തിനായി ജില്ലയിലെത്തിയ കേന്ദ്ര സംഘം ഇന്നലെ രോഗി ചികിത്സയിലുള്ള പെരിന്തൽമണ്ണയിലെ ആശുപത്രിയിലെത്തി. ഡോക്ടർമാരോടും ബന്ധുക്കളോടും കാര്യങ്ങൾ അന്വേഷിച്ചു. രോഗിയുടെ വളാഞ്ചേരിയിലെ വീട്ടു പരിസരത്തെ പഴങ്ങളുടെ സാംപിൾ ഇന്ന് പരിശോധനയ്ക്കായി ശേഖരിക്കും. വവ്വാൽ കഴിച്ച പഴങ്ങൾ വഴിയാണോ നിപ്പ പകർന്നതെന്ന സംശയത്തെത്തുടർന്നാണിത്. നാഷനൽ സെന്റർ ഫോർ ഡിസീസ് കൺട്രോൾ (എൻസിഡിസി) സംഘമാണ് ജില്ലയിൽ അന്വേഷണം നടത്തുന്നത്.അതേസമയം തുടർച്ചയായ മൂന്നാം ദിവസവും പുതുതായി ആരും സമ്പർക്കപ്പട്ടികയിൽ ഉൾപ്പെട്ടിട്ടില്ല. പുതിയ പരിശോധനാ ഫലങ്ങളുമില്ല. ഇതോടെ നിപ്പ പകർച്ച ഭീതി ഒഴിയുകയാണ്. ചികിത്സയിലുള്ള വീട്ടമ്മ ഐസിയുവിൽ ഗുരുതരാവസ്ഥയിൽ തുടരുന്നു.സമ്പർക്കപ്പട്ടികയിലുള്ള 2 പേർ മഞ്ചേരി മെഡിക്കൽ കോളജ്, എറണാകുളം മെഡിക്കൽ ...

Perinthalmanna RadioDate: 17-05-2025പട്ടിക്കാട്: മണ്ണാർമല മാട് റോഡ് പ്രദേശത്ത് വീണ്ടും പുലി സാന്നിധ്യമുണ്ടായ സാഹചര്യത്തിൽ നിരീക്ഷണം ശക്തമാക്കി. രണ്ടു വനപാലകർ രാത്രി 12 മണിവരെ ഈ പ്രദേശത്തുണ്ടാകും. കഴിഞ്ഞ ദിവസം രാത്രി കാര്യാവട്ടം-മാനത്തുമംഗലം ബൈപ്പാസിൽ മാട് റോഡിൽ പുലി കുറുകേ ഓടിയതിനെ തുടർന്ന് യുവാവ് ബൈക്കിൽനിന്ന് വീണിരുന്നു. തൂത സ്വദേശിയായ യുവാവാണ് പരിഭ്രമിച്ച് ബൈക്കിൽ നിന്ന്‌ വീണത്. നിരവധി തവണ ആളുകൾ പുലിയെ കണ്ട പ്രദേശമാണിത്. രണ്ടാഴ്ച മുമ്പ് ഈ പ്രദേശത്ത്‌ പുള്ളിപ്പുലിയുടെ ചിത്രം സിസിടിവി ക്യാമറയിൽ പതിഞ്ഞിരുന്നു.®Perinthalmanna Radioവാർത്തകൾ ഇനി നിങ്ങളുടെ വിരൽതുമ്പിൽ ...

Perinthalmanna RadioDate: 17-05-2025ബെംഗളൂരു: അതിർത്തിയിൽ ഇന്ത്യ- പാകിസ്താൻ സംഘർഷം കനത്തപ്പോൾ സുരക്ഷാഭീഷണി കാരണം നിർത്തിവെച്ച ഐപിഎൽ ക്രിക്കറ്റ് വീണ്ടും ആവേശത്തിന്റെ പിച്ചിലേക്ക്. ബെംഗളൂരുവിലെ ചിന്നസ്വാമി സ്റ്റേഡിയത്തിൽ ശനിയാഴ്ച രാത്രി 7.30 ന് ട്വന്റി-20 ക്രിക്കറ്റിന്റെ പോരാട്ടവീര്യം ക്രീസിലെത്തും. സ്വന്തം തട്ടകത്തിൽ റോയൽ ചലഞ്ചേഴ്സ് ബെംഗളൂരു നിലവിലെ ചാമ്പ്യൻമാരായ കൊൽക്കത്ത നൈറ്റ് റൈഡേഴ്സിനെയാണ് നേരിടുന്നത്. സുരക്ഷാഭീഷണി കാരണം ഒമ്പത് ദിവസമാണ് ഐപിഎൽ നിർത്തിവെച്ചത്.ജയിച്ചാൽ റോയൽ ചലഞ്ചേഴ്സിന് പ്ലേ ഓഫ് ഉറപ്പാകും. 11 കളിയിൽ എട്ട് ജയവും മൂന്ന് തോൽവിയുമാണ് ടീമിനുള്ളത്. 16 പോയിന്റുമായി ലീഗിൽ രണ്ടാം സ്ഥാനത്താണ് ടീം. പരിക്കേറ്റ പേസർ ജോഷ് ഹേസൽവുഡും ബാറ്റർ ദേവ്ദത്ത് പടിക്കലും ടീമിലില്ലാത്തത് പ്രതിസന്ധി സൃഷ്ടിക്കും. ഇരുവരും ടീമിന്റെ കുതിപ്പിൽ നിർണായകപങ്ക് വഹിച്ച താരങ്ങളാണ്. നാട്ടിലേക്കുമടങ്ങ...

Perinthalmanna RadioDate: 17-05-2025പെരിന്തൽമണ്ണ ∙ മാലിന്യം നിറഞ്ഞ് ജീവനറ്റ ചെറുപുഴയിലൊഴുകുന്നത് കറുത്ത നിറത്തിലുള്ള ദുർഗന്ധത്തോടു കൂടിയ മലിനജലം. ദുരിതത്തിലായി പുഴയുടെ ഇരുകരകളിലും താമസിക്കുന്നവർ. പെരിന്തൽമണ്ണ നഗരസഭയിലെ ചീരട്ടമണ്ണ, മുട്ടുങ്ങൽ, അങ്ങാടിപ്പുറം പഞ്ചായത്തിലെ ചാത്തനല്ലൂർ, ഏറാന്തോട് ഭാഗത്തുള്ളവരാണ് ദുരിതം അനുഭവിക്കുന്നത്.മുൻകാലങ്ങളിൽ ആളുകൾ കുളിക്കാനും, തുണിയലക്കാനും, കുട്ടികളെ നീന്തൽ പഠിപ്പിക്കാനും കാർഷിക ആവശ്യങ്ങൾക്കുമൊക്കെ ഉപയോഗിച്ചിരുന്ന തോട്, അടുത്ത കാലത്താണ് മലിനമായി തുടങ്ങിയത്. ഇപ്പോൾ തോടിനോടു ചേർന്നുള്ള വീടുകളിലെ കിണറുകളിലെ വെള്ളവും മലിനമായി തുടങ്ങിയിട്ടുണ്ട്. ചാത്തനല്ലൂർ ഭാഗത്ത് മാത്രം 250ൽ പരം വീട്ടുകാർ കുടിവെള്ളത്തിന് ഉപയോഗിക്കുന്ന രണ്ട് ശുദ്ധജല പദ്ധതികളുടെ കിണറുകൾ തോടിനോട് ചേർന്നാണുള്ളത്. അങ്ങാടിപ്പുറം റെയിൽവേ സ്റ്റേഷൻ, എഫ്സിഐ ഗോഡൗൺ എന്നിവിടങ്ങളിലേക്ക് വെള്...

Perinthalmanna RadioDate: 16-05-2025സംസ്ഥാനത്ത് വീണ്ടും കനത്ത മഴക്ക് സാധ്യതയെന്ന് മുന്നറിയിപ്പ്. മെയ് 19, 20 തീയതികളിൽ വടക്കൻ ജില്ലകളിൽ ശക്തമായ മഴയ്ക്ക് സാധ്യതയുള്ളതിനാൽ ഇന്ത്യയുടെ കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചു.മെയ് 19-ന് കാസർകോട്, കണ്ണൂർ, കോഴിക്കോട്, മലപ്പുറം, വയനാട് ജില്ലകളിലും, മെയ് 20-ന് കാസർകോട്, കണ്ണൂർ, കോഴിക്കോട്, വയനാട് ജില്ലകളിലുമാണ് ഓറഞ്ച് അലർട്ട് ബാധകമാകുന്നത്. മഴയെതുടർന്ന് നദികളിൽ വെള്ളം ഉയരാനോ മണ്ണിടിച്ചിലിനോ സാധ്യതയുള്ളതിനാൽ ജാഗ്രത പാലിക്കണമെന്ന് ദുരന്ത നിവാരണ അതോറിറ്റിയും അറിയിച്ചിട്ടുണ്ട്.തെക്കൻ ബംഗാൾ ഉൾക്കടലിൽ കാലവർഷം സജീവമായ സാഹചര്യത്തിൽ, അടുത്ത ആഴ്ച അവസാനത്തോടെ കേരളത്തിലും മഴ ശക്തമാകുമെന്ന് കേന്ദ്ര കാലാവസ്ഥ വകുപ്പ് അറിയിച്ചു.മെയ് 16 മുതൽ 22 വരെ കേരളത്തിലെ എല്ലാ ജില്ലകളിലും മഴയ്ക്ക് സാധ്യതയുണ്ടെന്നും, മധ്യകേരളം ഒഴികെ മറ്റു ഭാഗങ്ങളിൽ സാ...