മൊബൈല് വഴി വാഹനങ്ങള്ക്ക് പിഴ ചുമത്തരുത്; സംസ്ഥാനത്ത് നടക്കുന്നത് ഗുരുതര ചട്ടലംഘനം
Perinthalmanna RadioDate: 19-04-2025വാഹന പരിശോധനയ്ക്കിടെ മോട്ടോര് വാഹന ഉദ്യോഗസ്ഥര് മൊബൈല് ഫോണില് ഫോട്ടോ എടുത്ത് വാഹന ഉടമകള്ക്ക് പിഴ ആവശ്യപ്പെട്ട് നോട്ടീസ് അയക്കുന്നത് ഒഴിവാക്കും. മൊബൈല് ഫോണില് ഫോട്ടോയെടുത്തുള്ള വാഹന പരിശോധനയില് നടക്കുന്നത് ഗുരുതര ചട്ടലംഘനമെന്നാണ് കണ്ടെത്തല്. കേന്ദ്ര ചട്ടപ്രകാരം വാഹന പരിശോധനകള്ക്കായി ഉപയോഗിക്കാന് ചില അംഗീകൃത ഡിവൈസുകള് പറയുന്നുണ്ട്. അതില് എവിടെയും മൊബൈല് ഫോണ് ഉപയോഗിക്കാമെന്ന് സൂചിപ്പിക്കുന്നില്ലെന്ന് റിട്ടയേര്ഡ് ഡെപ്യൂട്ടി ട്രാന്സ്പോര്ട്ട് കമ്മീഷണര് പി എം ഷാജി പറഞ്ഞു.രേഖകള് പരിശോധിക്കാം എന്നതിനപ്പുറത്തേക്ക് മൊബൈല് ഫോണില് ചിത്രമെടുത്ത് നിയമലംഘനം കണ്ടെത്തിയാല് വാഹന ഉടമകള്ക്ക് നോട്ടീസ് അയക്കാന് സാധിക്കില്ലെന്നിരിക്കെയാണ് സംസ്ഥാനത്ത് ഗുരുതര ചട്ടലംഘനം നടക്കുന്നതെന്നും പി എം ഷാജി ചൂണ്ടികാട്ടി. ടാര്ഗെറ്റ് തികയ്ക്കാന് വഴിയില...