Tag: 250126

Perinthalmanna RadioDate: 25-01-2026 ന്യൂഡൽഹി: എഴുപത്തിയേഴാമത് റിപ്പബ്ലിക് ദിനത്തോട് അനുബന്ധിച്ച് രാജ്യത്തെ പരമോന്നത പത്മ പുരസ്കാരങ്ങൾ പ്രഖ്യാപിച്ചു. പ്രഖ്യാപിച്ച പത്മ പുരസ്കാരങ്ങളിൽ കേരളത്തിന് ചരിത്രനേട്ടം. അന്തരിച്ച മുൻ മുഖ്യമന്ത്രി വി.എസ് അച്യുതാനന്ദനും പ്രമുഖ നിയമജ്ഞനും സുപ്രിം കോടതി മുൻ ജസ്റ്റിസ് കെ.ടി തോമസിനും രാജ്യത്തെ രണ്ടാമത്തെ ഉയർന്ന സിവിലിയൻ ബഹുമതിയായ പത്മവിഭൂഷൺ ലഭിച്ചു. വി.എസ് അച്യുതാനന്ദന് മരണാനന്തര ബഹുമതിയായാണ് പുരസ്കാരം പ്രഖ്യാപിച്ചിരിക്കുന്നത്.മലയാളത്തിന്റെ മഹാനടൻ മമ്മൂട്ടിയും എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശനും പത്മഭൂഷൺ പുരസ്കാരത്തിന് അർഹരായി. കല, പൊതുപ്രവർത്തനം, നിയമം എന്നീ മേഖലകളിൽ ഇവർ നൽകിയ സമാനതകളില്ലാത്ത സംഭാവനകൾ പരിഗണിച്ചാണ് കേന്ദ്ര സർക്കാർ ആദരം. 131 പേരാണ് ഇത്തവണ പുരസ്കാരത്തിന് അർഹരായത്. വിവിധ മേഖലകളിൽ വ്യക്തിമുദ്ര പതിപ്പിച്ച 113 പേർ ഈ വർഷത്തെ പ...

Perinthalmanna RadioDate: 25-01-2026 പെരിന്തൽമണ്ണ: നഗരസഭയിലെ മാലിന്യ സംസ്കരണ സംവിധാനത്തെച്ചൊല്ലി ഭരണ-പ്രതിപക്ഷ പോര് മുറുകുന്നു. നഗരം മാലിന്യക്കൂമ്പാരമായി മാറിയെന്നും കഴിഞ്ഞ ഭരണ സമിതിയുടെ മികവ് തകർത്തുവെന്നും പ്രതിപക്ഷം ആരോപിക്കുമ്പോൾ, മാലിന്യത്തെ വരുമാനമാക്കി മാറ്റുന്ന 'വെൽത്ത് ഫ്രം വേസ്റ്റ്' പദ്ധതിയുമായി മുന്നോട്ട് പോവുകയാണെന്ന് ഭരണസമിതി വ്യക്തമാക്കി.കഴിഞ്ഞ കുറച്ചു ദിവസങ്ങളായി വീടുകളിൽ നിന്നും കടകളിൽ നിന്നും മാലിന്യം ശേഖരിക്കുന്നത് കൃത്യമല്ലെന്നും, മാലിന്യ പ്ലാന്റിലെ വാഹനങ്ങൾ ഓടിക്കാൻ ഭരണപക്ഷ കൗൺസിലർമാരുടെ മക്കളെ നിയമിച്ചുവെന്നും പ്രതിപക്ഷം ആരോപിച്ചു. കൂടാതെ നഗരത്തിലെ സ്ട്രീറ്റ് ലൈറ്റുകൾ കത്താത്തതും ജനങ്ങളെ ബുദ്ധിമുട്ടിക്കുന്നതായി എൽ.ഡി.എഫ് കൗൺസിലർമാർ ചൂണ്ടിക്കാട്ടി.എന്നാൽ, നഗരം ഇനി ചീഞ്ഞുനാറില്ലെന്നും മാലിന്യത്തെ വളമാക്കി മാറ്റി റബ്ബർ മാർക്കറ്റിംഗ് സൊസൈറ്റി വഴി വിപണനം ചെയ്യുമെന്നും ആരോഗ...

Perinthalmanna RadioDate: 25-01-2026 മലപ്പുറം : വാഹനപകടങ്ങൾ ഇല്ലാത്ത ഒരു ദിവസം പോലും കടന്നു പോവുന്നില്ല എന്നത് ഇന്നാരെയും ആശ്ചര്യപ്പെടുത്തുന്നില്ല. അത്രയേറെ സാധാരണമായിരിക്കുകയാണ് റോഡപകടങ്ങളും മരണങ്ങളും. ബോധവത്കരണങ്ങൾ ‘ഒരു വഴിക്ക്’ നടക്കുന്നുണ്ടെങ്കിലും അശ്രദ്ധമായ ഡ്രൈവിങ്ങും റോഡിലെ തകർച്ചയുമെല്ലാം അപകടങ്ങൾ വിളിച്ചുവരുത്തുകയാണ്. ഈ വർഷം ജനുവരി 19 വരെയുള്ള ദിവസത്തിനിടെ മാത്രം മലപ്പുറത്ത് 18 ജീവനുകളാണ് വിവിധ വാഹനപകടങ്ങളിൽ നഷ്ടമായത്. മലപ്പുറം ജില്ലയിൽ മാത്രം ദിനേന ശരാശരി 12 അപകടങ്ങൾ സംഭവിക്കുന്നുണ്ടെന്നാണ് ജില്ല ക്രൈം റെക്കോഡ്സ് ബ്യൂറോയിൽ നിന്ന് ലഭിച്ച കണക്കുകളിൽനിന്ന് വ്യക്തമാകുന്നത്. കഴിഞ്ഞ വർഷം ജില്ലയിൽ മാത്രം റോഡപകടങ്ങളിൽ പൊലിഞ്ഞത് 333 ജീവനുകളാണ്. അഞ്ച് വർഷത്തിനിടെ ഏറ്റവും കൂടുതൽ ആളുകൾ മരിച്ചതും 2025ലാണ്. 2024ൽ 316 പേരാണ് ജില്ലയിൽ മരിച്ചത്. 2023ൽ 309പേരും 2022ൽ 320പേരും 2021ൽ 284പേരും വാഹന...

Perinthalmanna RadioDate: 25-01-2026 പെരിന്തൽമണ്ണ: കുതിരവട്ടം മാനസികാരോഗ്യ കേന്ദ്രത്തിൽ നിന്ന് ദൃശ്യ കൊലക്കേസ് പ്രതി വിനീഷ് ചാടി പോയ സംഭവത്തിൽ നാല് പൊലീസുകാർക്കെതിരെ നടപടി. അന്ന് ജോലിയിലുണ്ടായ നാല് പൊലീസ് ഉദ്യോഗസ്ഥരെയാണ് സ്ഥലം മാറ്റിയത്. സ്പെഷ്യൽ ബ്രാഞ്ച് എസിപി യുടെ റിപ്പോർട്ടിൻ്റെ അടിസ്ഥാനത്തിലാണ് നടപടി. ഈ പൊലീസ് ഉദ്യോഗസ്ഥർക്ക് വീഴ്ച സംഭവിച്ചു എന്നാണ് സ്പെഷ്യൽ ബ്രാഞ്ച് അന്വേഷണ റിപ്പോർട്ടിൽ പറയുന്നത്.ഡിസംബർ 29-ന് രാത്രിയാണ് കുതിരവട്ടം മാനസികാരോഗ്യ കേന്ദ്രത്തിൽ നിന്ന് വിനീഷ് രക്ഷപ്പെട്ടത്. പ്രതിക്കായി പൊലീസ് ലുക്കൗട്ട് നോട്ടീസ് പുറപ്പെടുവിച്ചെങ്കിലും ഇയാളെക്കുറിച്ച് ഒരു വിവരവും ഇതുവരെ ലഭിച്ചിട്ടില്ല. ഒരു സിസിടിവിയിലും പതിയാതെ എങ്ങനെ ഇയാൾ നഗരം വിട്ടു പോയി എന്നതാണ് പൊലീസിനെ കുഴക്കുന്നത്.സെല്ലിലും ജയിലിലും പൊതുവേ അക്രമ സ്വഭാവം കാണിക്കുന്ന സ്വഭാവക്കാരനാണ് വിനീഷ് എന്ന് അന്വേഷണ സംഘം തന്നെ സ...

Perinthalmanna RadioDate: 25-01-2026 മലപ്പുറം: പുതിയ ദേശീയപാത 66-ൽ മലപ്പുറം ജില്ലയിൽ ഈ മാസം 30 മുതൽ ടോൾപിരിവ് തുടങ്ങും. വെട്ടിച്ചിറയിലാണ് ജില്ലയിലെ ഏക ടോൾ പ്ലാസയുള്ളത്. വിശദവിവരങ്ങൾ അടുത്തദിവസം തന്നെ ദിനപത്രങ്ങളിൽ പ്രസിദ്ധീകരിക്കുമെന്ന് ദേശീയപാത അധികൃതർ പറഞ്ഞു.ടോൾ സംബന്ധിച്ച വിവരങ്ങൾ ഇംഗ്ലീഷ്, ഹിന്ദി, മലയാളം ഭാഷകളിൽ മൂന്നു ദിവസത്തിനുള്ളിൽ ലഭ്യമാക്കുമെന്ന് കെ.എൻ.ആർ.സി കമ്പനിയുടെ സാങ്കേതിക വിഭാഗം വൈസ് പ്രസിഡന്റ് സി. മുരളീധർ റെഡ്ഡി പറഞ്ഞു.കൂരിയാട് തകർന്ന ഭാഗം തൂണുകളുപയോഗിച്ച് പുനർനിർമിക്കുന്ന പണി ഫെബ്രുവരി പകുതിയോടെ തീർക്കുമെന്നും അദ്ദേഹം അറിയിച്ചു. ടോൾ പ്ലാസയ്ക്ക് 20 കിലോമീറ്റർ പരിധിക്കുള്ളിലുള്ള സ്വകാര്യവാഹനങ്ങൾക്ക് ടോൾ നിരക്കിൽ ഇളവ് നൽകുമെന്ന് ദേശീയപാത ലൈസൻസ് ഓഫീസർ പി.പി.എം. അഷ്റഫ് അറിയിച്ചു. എത്രതവണ വേണമെങ്കിലും യാത്ര ചെയ്യാവുന്ന പാസിന് ഒരു മാസത്തേക്ക് മിക്കവാറും 340 രൂപയാവും നിരക്ക്. ഈ ...