മലപ്പുറം ജില്ലയിലെ ആറുവരിപ്പാതയില് നവംബര് 15 മുതല് ടോള്പിരിക്കാന് സാധ്യത
Perinthalmanna RadioDate: 25-10-2025 മലപ്പുറം: ദേശീയ പാത- 66 ആറു വരിപ്പാതയുടെ ജില്ലയിലെ കഞ്ഞിപ്പുര- കാപ്പിരിക്കാട് റീച്ച് നിര്മാണം പൂര്ത്തിയാക്കാന് ഫെബ്രുവരി 23 വരെ സമയം അനുവദിച്ചു. ഇടിമുഴിക്കല് മുതല് കഞ്ഞിപ്പുര വരെയുള്ള റീച്ച് നിര്മാണത്തിന് മാര്ച്ച് അഞ്ചു വരെയായിരുന്നു കരാര് കമ്പനിക്ക് ദേശീയപാത അതോറിറ്റി ഓഫ് ഇന്ത്യ സമയപരിധി നല്കിയിരുന്നത്.കഞ്ഞിപ്പുര- കാപ്പിരിക്കാട് റീച്ചില് കുറ്റിപ്പുറത്തും കഞ്ഞിപ്പുര- ഇടിമുഴിക്കല് റീച്ചില് കൂരിയാടുമാണ് നിര്മാണ പ്രവൃത്തികള് പൂര്ത്തീകരിക്കാനുള്ളത്. കൂരിയാട് നേരത്തേ നിര്മാണം പൂര്ത്തിയാക്കിയെങ്കിലും തകര്ച്ചയുണ്ടായ ഭാഗത്ത് പുനര് നിര്മാണം നടക്കുകയാണ്. കുറ്റിപ്പുറത്ത് ഹൈവേ ജങ്ഷന് മുതല് അത്താണി ബസാര് വരെയുള്ള ദൂരത്തും നിര്മാണം നടക്കാനുണ്ട്. പുതുതായി കുറ്റിപ്പുറത്ത് നിര്മിച്ച റെയില്വേ മേല്പ്പാലത്തിന്റെ കോമ്പോസിറ്റ് ഗര്ഡറും സ്ഥാപ...
