3 വർഷം മുമ്പ് മുഖ്യമന്ത്രി പ്രവൃത്തി ഉദ്ഘാടനം നടത്തിയ മേലാറ്റൂര് – പുലാമന്തോള് റോഡ് പണി എങ്ങും എത്തിയില്ല
Perinthalmanna RadioDate: 26-11-2023പെരിന്തൽമണ്ണ: മൂന്നു വര്ഷം മുമ്പ് മുഖ്യമന്ത്രി പിണറായി വിജയന് പ്രവൃത്തി ഉദ്ഘാടനം നടത്തിയ മേലാറ്റൂര് -പുലാമന്തോള് റോഡ് പൂര്ത്തിയാവാതെ തന്നെ കിടക്കുന്നു.പൂര്ത്തിയായില്ലെന്ന് മാത്രമല്ല, ഒരു വര്ഷത്തോളമായി നിര്മാണം നിലക്കുകയും കരാറുകാര് ഉപേക്ഷിച്ച് പോകുകയും ചെയ്തു. മുഖ്യമന്ത്രിക്കും മരാമത്ത് മന്ത്രിക്കും സര്ക്കാര് സംവിധാനത്തിനും എതിരെ രൂക്ഷമായ മുദ്രാവാക്യങ്ങൾ ഉയര്ത്തി ദിവസങ്ങള് മുമ്പാണ് രാഷ്ട്രീയ ഭേദമന്യേ പെരിന്തല്മണ്ണയില് സമരങ്ങള് നടന്നത്.സര്ക്കാര് സംവിധാനത്തിന് മുമ്പാകെയും നിയമസഭയില് ഒന്നിലേറെ തവണയും വിഷയമെത്തിയിട്ടും ഫലപ്രദമായ ഇടപെടൽ ഉണ്ടായില്ലെന്നതാണ് ജനങ്ങളുയര്ത്തുന്ന ആക്ഷേപം.നവ കേരള സദസ്സിന് മുമ്പേ ഇക്കാര്യത്തില് തീരുമാനമുണ്ടാക്കാൻ ആലോചന നടന്നിരുന്നെങ്കിലും പൂര്ത്തിയായില്ല. ആദ്യം സ്വകാര്യ ബസ് ഉടമകളും ജീവനക്കാര...
