Tag: Angadipuram Temple

Perinthalmanna RadioDate: 08-06-2023പെരിന്തൽമണ്ണ:  അങ്ങാടിപ്പുറം തിരുമാന്ധാംകുന്ന് ഭഗവതി ദേവസ്വത്തിന് സംസ്ഥാന സർക്കാരിന്റെ ഭക്ഷ്യസുരക്ഷാ പുരസ്‌കാരം. ഭക്ഷ്യസുരക്ഷാ വകുപ്പിന്റെ കൃത്യമായ മാനദണ്ഡങ്ങൾ പാലിച്ച് നിവേദ്യങ്ങളും പ്രസാദങ്ങളും തയാറാക്കുന്നതിനാണ് അംഗീകാരം. ഇതുസംബന്ധിച്ച് വകുപ്പിന്റെ നേതൃത്വത്തിൽ നടന്ന ഓഡിറ്റിങ്ങിന് ശേഷമാണ് പുരസ്‌കാരം പ്രഖ്യാപിച്ചത്. കഴിഞ്ഞ ഒരു വർഷമായി സ്വീകരിച്ച ജാഗ്രതയുടെയും നടപടികളുടെയും പേരിലാണ് പുരസ്‌കാരം നൽകിയത്.പ്രത്യേക ഗ്യാസ് അടുപ്പുകൾ, ഓട്ടുരുളികളും സ്‌റ്റീൽ പാത്രങ്ങളും മാത്രം ഉപയോഗിച്ചുള്ള പാചകം, സുരക്ഷാസംവിധാനങ്ങൾ, പാചകം ചെയ്‌തതും അല്ലാത്തതുമായ സാധനങ്ങൾ സൂക്ഷിക്കുന്ന കാര്യത്തിലെ സൂക്ഷ്മത എന്നിവയെല്ലാം പരിഗണിച്ചു. ദേവസ്വം ജീവനക്കാർക്ക് നിവേദ്യങ്ങളും പ്രസാദങ്ങളും തയാറാക്കാൻ പ്രത്യേക പരിശീലനവും നൽകിയിരുന്നു. ദേവസ്വത്തിൽ മംഗല്യപൂജയ്‌ക്കുള്ള വിശേഷ പ്...

Perinthalmanna RadioDate: 16-11-2022അങ്ങാടിപ്പുറം: തിരുമാന്ധാംകുന്ന് ഭഗവതീ ക്ഷേത്രത്തിൽ കളംപാട്ട് മഹോത്സവം വ്യാഴാഴ്ച കൂറയിടും. വൃശ്ചികം ഒന്നിനാണ് ചടങ്ങ്. രാവിലെ 9.30-ന് പന്തീരടി പൂജയ്ക്കു ശേഷം പാട്ടു കൊട്ടിലിലാണ് കൂറയിടൽ നടക്കുക. നാക്കിലയിൽ ചുരുട്ടി വെക്കുന്ന പാട്ടുകൂറ ക്ഷേത്രം കാവുടയ നായർ ട്രസ്റ്റിക്ക് കൈമാറുകയും ട്രസ്റ്റി കളംപാട്ട് നടത്തിപ്പുകാരായ കുറുപ്പന്മാർക്ക്‌ നൽകുകയുംചെയ്യും. കുറുപ്പന്മാർ ‘കളംപാട്ട് കൂറയിടുകയല്ലേ’ എന്ന് ചോദിച്ച് സമ്മതം വാങ്ങിയശേഷം പുതിയ കൂറ പാട്ടുകൊട്ടിലിന് മീതെ വിതാനിക്കുകയും പഴയത് വലിച്ചു മാറ്റുകയും ചെയ്യുന്നതാണ് ചടങ്ങ്.രാത്രി എട്ടിന് അത്താഴപ്പൂജയ്ക്കുശേഷം ഈ വർഷത്തെ ആദ്യ കളംപൂജയും കളംപാട്ടും നടക്കും. അഞ്ചു മാസത്തോളം നീളുന്ന കളംപാട്ടാഘോഷത്തിന്റെ തുടക്കമാണ് പാട്ട് കൂറയിടൽ. ഈ വർഷം 141 കളംപാട്ടുകളുണ്ട്. ആദ്യകളംപാട്ട് ദേവസ്വം വകയാണ്. തുടർന്ന് മണ്ഡലകാലം മു...

അങ്ങാടിപ്പുറം: ഭക്തിയും ആവേശവും സമ്മേളിച്ച് തിരുമാന്ധംകുന്ന്‌ ഭഗവതീ ക്ഷേത്രത്തിൽ ആട്ടങ്ങവർഷം. ആട്ടങ്ങകൾ എറിയാനും ഏറു കൊണ്ട് ആനുഗൃഹീതരാകാനും ആയിരക്കണക്കിന് ഭക്തരാണ് ചൊവ്വാഴ്ച വടക്കെനടയിൽ തടിച്ചു കൂടിയത്. ക്ഷേത്രോത്പത്തിയുമായി ബന്ധപ്പെട്ട് തുലാം ഒന്നിന് നടക്കുന്ന ചടങ്ങായ ആട്ടങ്ങയേറ് ഐതിഹ്യസ്മരണകൾ ഉണർത്തി. രാവിലെ 9.15- ന് പന്തീരടിപ്പൂജയ്ക്ക് നട അടച്ചപ്പോൾ വടക്കെനടയിൽ പത്തു നടയ്ക്ക് മുകളിലും താഴെയുമായി ഭക്തർ രണ്ടു ചേരികളായി നിന്ന് നാമമുരുവിട്ടു കൊണ്ട് ആവേശപൂർവം പരസ്പരം ആട്ടങ്ങകൾ എറിഞ്ഞു. പൊട്ടിയ ആട്ടങ്ങകൾ നടകളിലും തിരുമുറ്റത്തും ചിതറിക്കിടന്നു. ഔഷധം കൂടിയായ ആട്ടങ്ങകളും വിത്തുകളും ദേഹത്ത് വന്ന് പതിച്ച ഭക്തർക്ക് അനുഗ്രഹത്തിന്റെ സന്തോഷം. പന്തീരടിപ്പൂജ കഴിഞ്ഞ് നടതുറന്നപ്പോൾ ഇരുചേരികളും നാലമ്പലത്തിനുള്ളിലേക്ക് ഭഗവതിയെ ലക്ഷ്യമാക്കി ആട്ടങ്ങകൾ എറിഞ്ഞതോടെ ചടങ്ങുകൾ സമാപിച്ചു. വലിയ തിരക്കാണ് ഇത്തവണ അനുഭ...