മുള്ളി ചെക്പോസ്റ്റ് അടച്ചിട്ട് പത്ത് മാസം
Perinthalmanna RadioDate: 17-01-2023തമിഴ്നാട് മുള്ളി ചെക്പോസ്റ്റ് അടച്ചിട്ട് 10 മാസം. കഴിഞ്ഞവർഷം ഫെബ്രുവരി 22-നാണ് തമിഴ്നാട് മുള്ളി ചെക്പോസ്റ്റ്, കേരളത്തെപ്പോലും മുൻകൂട്ടി അറിയിക്കാതെ അടച്ചത്. 138 കോടിരൂപ ചെലവിൽ താവളം-മുള്ളി 28.5 കിലോമീറ്റർ റോഡ് നവീകരണം അന്തിമ ഘട്ടത്തിൽ എത്തിയെങ്കിലും ഈ നടപടിമൂലം ഫലമില്ലാതാവും.മുള്ളി ചെക്പോസ്റ്റ് വഴി മഞ്ചൂരിലെത്താൻ അഗളിയിൽനിന്ന് 56 കിലോമീറ്റർ സഞ്ചരിച്ചാൽ മതിയാകുമായിരുന്നു. ഇപ്പോൾ 110 കിലോമീറ്റർ ചുറ്റിസഞ്ചരിച്ചാൽ മാത്രമേ മഞ്ചൂരിലെത്താൻ കഴിയുകയുള്ളൂ. റോഡ് നവീകരിച്ചതോടെ കേരളത്തിലെ വിവിധഭാഗങ്ങളിൽനിന്ന് ഊട്ടിയിലേക്കുള്ള വിനോദസഞ്ചാരികളുടെ വരവ് പ്രതീക്ഷിച്ചിരിക്കയായിരുന്നു വ്യാപാരികൾ.ജനങ്ങളും വ്യാപാരികളും പ്രതിഷേധിച്ചിട്ടും മന്ത്രിമാർക്ക് പരാതി നൽകിയിട്ടും പരിഹാരമായില്ല. മുള്ളി ചെക്പോസ്റ്റ് വഴി മറ്റുള്ളവരെ അനുവദിക്കാൻ കഴിയില്ലെന്നും ചെക്പോസ്...