പ്ലസ്‌വൺ പ്രവേശനം; മൂന്നു ദിവസത്തിനകം 2.26 ലക്ഷം അപേക്ഷകൾ
Perinthalmanna RadioDate: 05-06-2023പ്ലസ്‌വൺ പ്രവേശനത്തിന് അപേക്ഷ ക്ഷണിച്ച് മൂന്നുദിവസം പിന്നിട്ടതോടെ എസ്.എസ്.എൽ.സി. കഴിഞ്ഞവരിൽ പകുതിയിലധികംപേരും അപേക്ഷ സമർപ്പിച്ചു. ഹയർ സെക്കൻഡറി വകുപ്പിന്റെ വെബ്സൈറ്റിൽ മുൻവർഷങ്ങളിലെപ്പോലെ കാര്യമായ തടസ്സമൊന്നുമില്ലാത്തതിനാലാണിത്. അപേക്ഷാസമർപ്പണത്തിനുശേഷം പ്രിന്റെടുക്കുന്നതിനായിരുന്നു മുൻപ് പ്രധാന തടസ്സം. ഇത്തവണ അത്തരം പരാതികളില്ല. വെള്ളിയാഴ്ചവരെ അപേക്ഷ സ്വീകരിക്കും. മുൻവർഷങ്ങളിൽ അവസാനത്തീയതി പലപ്രാവശ്യം നീട്ടിയിരുന്നു. ഇത്തവണ അതു വേണ്ടിവരില്ലെന്നാണ് ബന്ധപ്പെട്ടവർ പറയുന്നത്.ഞായറാഴ്ച രാത്രിവരെ 2,26,468 കുട്ടികളാണ് അപേക്ഷ നൽകിയത്. ഇവരിൽ 2.15 ലക്ഷവും ഇത്തവണ എസ്.എസ്.എൽ.സി. കഴിഞ്ഞവരാണ്. ആകെ 4,17,864 കുട്ടികളാണ് പൊതുവിദ്യാലയങ്ങളിൽനിന്ന് ഈ വർഷം പത്താംക്ലാസ് കഴിഞ്ഞ് ഉപരിപഠനത്തിനു യോഗ്യത നേടിയത്. ഇവരിൽ 51.5 ശതമാനവും ഇതിനോടകം അപേക്ഷ നൽകി.മുൻവർഷങ്ങള...
