റോഡിലാകെ തെരുവുനായകൾ; ഭയന്നു വിറച്ച് യാത്രക്കാർ
Perinthalmanna RadioDate: 13-07-2023പൊതുനിരത്തുകളിൽ തെരുവുനായശല്യം രൂക്ഷമായത് ജനങ്ങളെ ഭീതിയിലാഴ്ത്തുന്നു. സംസ്ഥാനപാതകളിലും ഗ്രാമീണ റോഡുകളിലുമെല്ലാം തെരുവുനായകൾ വിഹരിക്കുകയാണ്. പ്രഭാത സവാരിക്കാരെയും പത്ര വിതരണക്കാരെയും മദ്രസകളിലേക്ക് കാൽനടയായി പോകുന്ന വിദ്യാർഥികളെയും തെരുവുനായകൾ പിൻതുടർന്ന് ആക്രമിക്കുന്നത് പതിവായിട്ടുണ്ട്.ബസ് കാത്തിരിപ്പു കേന്ദ്രങ്ങളിലടക്കം തെരുവുനായകൾ തമ്പടിക്കുകയാണ്. വിതരണത്തിനായി എത്തിക്കുന്ന പത്രക്കെട്ടുകളും കടകളുടെ ഷട്ടറുകളിൽ വെച്ചു പോകുന്ന പത്രങ്ങളുമെല്ലാം തെരുവുനായകൾ കടിച്ചുകീറി നശിപ്പിക്കുന്നത് പതിവായിട്ടുണ്ട്. വീടുകളിലെ പോർച്ചുകളിൽ നിർത്തിയിടുന്ന ഇരുചക്ര വാഹനങ്ങളുടെ സീറ്റുകളും നായ്ക്കൾ കടിച്ചുകീറി നശിപ്പിക്കുന്നുണ്ട്.റോഡുകളിൽ അലക്ഷ്യമായി നടക്കുന്ന തെരുവു നായകളുടെ കൂട്ടങ്ങൾ ഗതാഗതത്തിനും വലിയ ഭീഷണിയാവുകയാണ്. .......................................