Local

Perinthalmanna RadioDate: 24-02-2026 പെരിന്തൽമണ്ണ : പെരിന്തൽമണ്ണ ജില്ല ആശുപത്രിക്ക് പുതിയ കെട്ടിടവും അനുബന്ധ സൗകര്യങ്ങളും ഒരുക്കാൻ അടിസ്ഥാന സൗകര്യ വികസന നിധിയിൽ (കിഫ്ബി) ഉൾപ്പെടുത്തി ഒന്നാം പിണറായി സർക്കാരിന്റെ അവസാന കാലത്ത് അനുവദിച്ച 11.89 കോടി രൂപയുടെ പദ്ധതി വിസ്മൃതിയിൽ. അത്യാഹിത വിഭാഗം, ഒ.പി ബ്ലോക്ക്, ഡയഗ്നോസ്റ്റിക് സൗകര്യങ്ങൾ എന്നിവക്കായിരുന്നു വിഹിതം. പഴയ ഇടുങ്ങിയ ഓഫീസ്, അതിനു പിന്നിലെ ഒ.പി ബ്ലോക്ക്, വർഷങ്ങളായി ഉപയോഗിക്കാതെ കിടന്ന കെ.എച്ച്. ആർ. ആർ.ഡബ്ല്യു.എസിന്റെ കെട്ടിടം എന്നിവ പൊളിച്ച് നീക്കി രണ്ടു നിലകളുള്ള കെട്ടിടമാണ് നിർമിക്കാൻ ലക്ഷ്യമിട്ടിരുന്നത്. ഇതിൽ കെ.എച്ച്.ആർ. ഡബ്ല്യു.എസ് കെട്ടിടം പൊളിച്ച് ഒ.പി ബ്ലോക്ക് മറ്റൊരു ഫണ്ട് ഉപയോഗിച്ച് വിപുലീകരിച്ചു. 11.89 കോടി കൊണ്ട് അഞ്ചു നിലകളുള്ള ബ്ലോക്കാണ് രൂപകൽപന ചെയ്തത്. സർക്കാർ ഏജൻസിയായ കിറ്റ്കോയാണ് പദ്ധതി തയ്യാറാക്കി നൽകിയത്. ഇതിന്റെ കൂടെ...

Perinthalmanna RadioDate: 23-02-2026 പെരിന്തൽമണ്ണ: തീവ്ര വോട്ടർപട്ടിക പരിഷ്കരണ പ്രക്രിയ പൂർത്തിയായതിനു ശേഷം പ്രസിദ്ധീകരിച്ച പുതിയ വോട്ടർപട്ടിക പ്രകാരം പെരിന്തൽമണ്ണ മണ്ഡലത്തിൽ 2,28,761 വോട്ടർമാർ. എസ്.എസ്.ആറിനു ശേഷം മലപ്പുറം ജില്ലയിൽ ആകെ 36,15,970 വോട്ടർമാരാണ് പട്ടികയിലുള്ളത്. ഇതിൽ 18,10,627 പേർ പുരുഷന്മാരും 18,05,303 സ്ത്രീകളുമാണ്. ഇതിനു പുറമേ 40 ട്രാൻസ്ജെൻഡർ വോട്ടർമാരുമുണ്ട്.സംസ്ഥാനത്ത് ഏറ്റവും കൂടുതൽ വോട്ടർമാരുള്ളത് മലപ്പുറത്താണ്. രണ്ടാം സ്ഥാനത്തുള്ള കോഴിക്കോടിനേക്കാൾ 10 ലക്ഷത്തോളം വോട്ടർമാർ ജില്ലയിൽ കൂടുതലുണ്ട്. ജില്ലയിൽ ഏറ്റവും കൂടുതൽ വോട്ടർമാരുള്ളത് തിരൂർ മണ്ഡലത്തിലാണ് (2,52,575). ഏറ്റവും കുറവ് ഏറനാട് മണ്ഡലത്തിലും (1,99,217).*മറ്റു മണ്ഡലങ്ങളിലെ വോട്ടർമാരുടെ എണ്ണം:** കൊണ്ടോട്ടി (2,28,903), * നിലമ്പൂർ (2,35,956),*  വണ്ടൂർ (2,46,352),*  മഞ്ചേരി (2,27,351),*  മങ്കട (2,30,07...

Perinthalmanna RadioDate: 23-02-2026 പെരിന്തൽമണ്ണ: സംസ്ഥാനത്തെ ഏറ്റവും മികച്ച പ്രിൻസിപ്പൽ തഹസിൽദാറായി പെരിന്തൽമണ്ണ തഹസിൽദാർ എ. വേണുഗോപാലിനെ റവന്യൂ വകുപ്പ് തിരഞ്ഞെടുത്തു. പെരിന്തൽമണ്ണ താലൂക്കിലെ റവന്യൂ ജീവനക്കാരുടെ കൂട്ടായ പ്രവർത്തനത്തിന്റെ ഫലമായാണ് ഈ അംഗീകാരം ലഭിച്ചതെന്നും പുരസ്കാരം പെരിന്തൽമണ്ണയിലെ ജനങ്ങൾക്കായി സമർപ്പിക്കുന്നുവെന്നും അദ്ദേഹം പറഞ്ഞു.റവന്യൂ വകുപ്പിലെ ഓഫീസുകളിൽ പൊതുജനങ്ങൾക്ക് കൂടുതൽ കാര്യക്ഷമവും സുതാര്യവുമായ സേവനം ലഭ്യമാക്കുന്ന ഓഫീസുകളെയും ഓഫീസർമാരെയും ആദരിക്കുന്നതിനായി നടത്തിയ പരിശോധനയിലാണ് വേണുഗോപാൽ പുരസ്കാരത്തിന് അർഹനായത്. കഴിഞ്ഞ മൂന്ന് വർഷമായി ജില്ലയിൽ ഏറ്റവും കൂടുതൽ റവന്യൂ വരുമാനം ഉണ്ടാക്കിയത് പെരിന്തൽമണ്ണ താലൂക്കാണ്. മികച്ച രീതിയിലുള്ള റവന്യൂ പിരിവ്, സമയബന്ധിതമായ പൊതുജനസേവനം, കെട്ടിടനികതി പിരിവ്, തിരഞ്ഞെടുപ്പ് പ്രവർത്തനങ്ങൾ എന്നിവയിലെ മികച്ച പ്രകടനമാണ് ഈ നേട്ടത്തിലേക്...

Perinthalmanna RadioDate: 23-02-2026 അങ്ങാടിപ്പുറം: ഗ്രാമ പഞ്ചായത്ത് പ്രസിഡന്റിന്റെ പേരിലുള്ള ദുരിതാശ്വാസ നിധി ആദ്യ സംഭാവനകൾ സ്വീകരിച്ചുകൊണ്ട് ഇ.ടി.മുഹമ്മദ് ബഷീർ എംപി ഉദ്ഘാടനം ചെയ്തു. നിരവധി വ്യക്തികളും ഗ്രാമ പഞ്ചായത്ത് മെമ്പർമാരും ദുരിതാശ്വാസ നിധിയിലേക്ക് സംഭാവനകൾ നൽകി കൊണ്ട് ഈ സംരംഭം ഗംഭീരമാക്കി.മഞ്ഞളാംകുഴി അലി എംഎൽഎ അധ്യക്ഷത വഹിച്ചു. ആപത് ഘട്ടങ്ങളിലും മാരക രോഗ വേളകളിലും സാമ്പത്തിക സഹായങ്ങൾ നൽകുവാനാണ് ദുരിതാശ്വാസ നിധി സമാഹരിക്കുന്നത്.1996 ൽ രൂപം കൊടുത്ത 20 വർഷം പഴക്കമുള്ള ചട്ടങ്ങളും നിയമങ്ങളുമാണ് തദ്ദേശഭരണ സ്ഥാപന അധ്യക്ഷന്മാരുടെ പേരിലുള്ള ദുരിതാശ്വാസ നിധിയുമായി ബന്ധപ്പെട്ട് നിലവിലുള്ളതെന്നും ഇതു പൊളിച്ചഴുതണമെന്നും കാലികമായ ഭേദഗതികൾ വരുത്തണമെന്നും ഉദ്ഘാടന സമ്മേളനം ആവശ്യപ്പെട്ടു.പഞ്ചായത്ത് പ്രസിഡണ്ട് ഷബീർ കറുമുക്കിൽ, വൈസ് പ്രസിഡണ്ട് മുബീന തസ്നി, ഉമ്മർ അറക്കൽ, സ്റ്റാൻഡിങ് കമ്മിറ്റി ചെയർമാൻ...

Perinthalmanna RadioDate: 23-02-2026 മങ്കട ∙ ആറു മാസം മുൻപ് കനത്ത മഴയിൽ ഇടിഞ്ഞു താഴ്ന്ന റോഡിന്റെ വശം കെട്ടുന്നതിനു നടപടിയായില്ല. ഭാരം കയറ്റിയ വാഹനങ്ങൾ കടന്നുപോകാനാകാതെ പാലക്കത്തടം - കരിമല റോഡ്. മഴയിൽ 50 മീറ്ററോളം ഭാഗം റോഡിന്റെ വശം ബംഗ്ലദേശ് കോളനിക്കു സമീപത്തെ ചെങ്കുത്തായ സ്ഥലത്താണ് ഇടിഞ്ഞു താഴ്ന്നിരുന്നത്.റോഡിന്റെ പകുതിയോളം ഭാഗം ഇടിഞ്ഞു താഴേക്കു പോകുകയും ബാക്കി ഭാഗം വിള്ളൽ വീഴുകയും ചെയ്തിരുന്നു. തുടർന്ന് വലുതും ഭാരം കയറ്റിയതുമായ വാഹനങ്ങൾക്ക് ഇതുവഴി യാത്രാവിലക്ക് ഏർപ്പെടുത്തിയിരുന്നു. വിലക്കു ലംഘിച്ച് പലപ്പോഴും ഭാരം കയറ്റിയ വാഹനങ്ങൾ ഇത് വഴി കടന്നു പോകുന്നത് അപകട സാധ്യത വർധിപ്പിക്കുന്നു.20 അടിയിൽ അധികം താഴ്ചയിൽ നിന്നും കെട്ടിപ്പൊക്കണമെന്നതും മണ്ണുമാന്തി ഉൾപ്പെടെ യന്ത്ര സാമഗ്രികൾ ഇറക്കാനാകില്ലെന്നതും പണി നടത്തുന്നതിലെ വെല്ലുവിളിയാണ്. എങ്കിലും മാസങ്ങൾ എടുക്കുന്ന പ്രവൃത്തി മഴയ്ക്ക് മുൻപേ തുടങ്...

Perinthalmanna RadioDate: 22-02-2026 പെരിന്തൽമണ്ണ: നിയോജക മണ്ഡലത്തിലെ ഹാജിമാർക്കായി പ്രത്യേക ഹജ്ജ് വാക്സിനേഷൻ ക്യാമ്പ് പെരിന്തൽമണ്ണ ജില്ലാ ആശുപത്രിയുടെ നേതൃത്വത്തിൽ പെയിൻ ആൻഡ് പാലിയേറ്റീവ് ഹാളിൽ വെച്ച് സംഘടിപ്പിച്ചു. ഹജ്ജ് വാക്സിനേഷൻ ക്യാമ്പ് നജീബ് കാന്തപുരം എം.എൽ.എ ഉദ്ഘാടനം ചെയ്തു. പെരിന്തൽമണ്ണ ജില്ല ആശുപത്രി സൂപ്രണ്ട് ഡോ. എൽ. ഷീന ലാൽ അധ്യക്ഷത വഹിച്ചു. പരിപാടിയിൽ മുഖ്യാതിഥിയായി പെരിന്തൽമണ്ണ സബ് കളക്ടർ സാക്ഷി മോഹൻ പങ്കെടുത്തു.സംസ്ഥാന ഹജ്ജ് കമ്മിറ്റി അസിസ്റ്റന്റ് സെക്രട്ടറി ജാഫർ കക്കുത്ത് മുഖ്യപ്രഭാഷണം നടത്തി. പി.പി യൂണിറ്റ് മെഡിക്കൽ ഓഫീസർ ഡോ. മുഹമ്മദ് ഷെരീഫ് തേനത്ത് ഹാജിമാർക്കുള്ള ആരോഗ്യ ബോധവൽക്കരണ ക്ലാസ് നൽകി. ഹജ്ജ് കമ്മിറ്റി അസിസ്റ്റന്റ് ട്രെയിനിങ് ഓർഗനൈസർ മുഹമ്മദലി, പെയിൻ ആൻഡ് പാലിയേറ്റീവ് കെയർ കോഓർഡിനേറ്റർ കുറ്റീരി മാനുപ്പ, പബ്ലിക് ഹെൽത്ത് നഴ്സ് കെ. പുഷ്പലത എന്നിവർ സംസാരിച്ചു. ഹെൽത്ത്...

Perinthalmanna RadioDate: 22-02-2026 ബംഗാൾ ഉൾക്കടലിലെ ന്യൂനമർദ്ദത്തെ തുടർന്ന് സംസ്ഥാനത്ത് വ്യാഴാഴ്ച വരെ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. ഇന്ന് മൂന്ന് ജില്ലകളിൽ യെല്ലോ അലേർട്ടും പ്രഖ്യാപിച്ചിട്ടുണ്ട്. പത്തനംതിട്ട, കോട്ടയം, ഇടുക്കി ജില്ലകളിലാണ് യെല്ലോ അലേർട്ട്. സംസ്ഥാനത്ത് വിവിധ ജില്ലകളിൽ ഇന്നലെയും മഴ ലഭിച്ചിരുന്നു. വരുംദിവസങ്ങളിലും മഴ തുടരുമെന്നാണ് അറിയിപ്പ്.തെക്ക് പടിഞ്ഞാറേ ബംഗാൾ ഉൾക്കടലിന് മുകളിലായി ശക്തി കൂടിയ ന്യൂനമർദ്ദം സ്ഥിതി ചെയ്യുന്നുണ്ട്. ഇത് അടുത്ത 48 മണിക്കൂറിനുള്ളിൽ ആദ്യം പടിഞ്ഞാറ്-വടക്കുപടിഞ്ഞാറ് ദിശയിൽ സഞ്ചരിക്കാനും, തുടർന്ന് വടക്കുകിഴക്ക് ദിശയിലേക്ക് തിരിഞ്ഞ് തെക്കുപടിഞ്ഞാറൻ ബംഗാൾ ഉൾക്കടലിന് മുകളിലൂടെ നീങ്ങാനും സാധ്യതയുണ്ടെന്നാണ് കാലാവസ്ഥാ കേന്ദ്രത്തിൻ്റെ മുന്നറിയിപ്പ്.കേരളത്തിൽ ഇന്നുമുതൽ ഫെബ്രുവരി 26 വരെയുള്ള തീയതികളിൽ നേരിയതോ ഇടത്തരമോ ആയ മഴയ്ക്കും ഇന്ന് ഒറ്...

Perinthalmanna RadioDate: 22-02-2026 ന്യുഡൽഹി: ദേശിയ പാതകളിലെ ടോൾ പിരിവിൽ നിർണായക പ്രഖ്യാപനവുമായി കേന്ദ്രസർക്കാർ. ടോൾ പ്ലാസകളിൽ ഏപ്രിൽ ഒന്നുമുതൽ പണം സ്വീകരിക്കില്ല എന്നാണ് കേന്ദ്ര സർക്കാർ പ്രഖ്യാപിച്ചിരിക്കുന്നത്. ടോൾ പിരിവ് സംവിധാനം പൂർണ്ണമായും ഡിജിറ്റൽവത്കരിക്കരിക്കുന്നതിന്റെ ഭാഗമായാണ് പുതിയ പ്രഖ്യാപനം.ദേശീയപാതകളിലെ ടോൾ പിരിവ് സുതാര്യവും വേഗത്തിലുള്ളതുമാക്കുക എന്നതാണ് ഇതിലൂടെ സർക്കാർ ലക്ഷ്യം വെക്കുന്നതെന്ന് ഉപരിതല ഗതാഗത മന്ത്രാലയം അറിയിച്ചു. പുതിയ മാറ്റം നിലവിൽ വരുന്നതോടെ ഫാസ്ടാഗ് അല്ലെങ്കിൽ യുപിഐ വഴി മാത്രമേ ടോൾ അടയ്ക്കാൻ സാധിക്കൂ. ടോൾ പ്ലാസകളിലെ തിരക്ക് കുറയ്ക്കാനും യാത്രക്കാരുടെ സമയം ലാഭിക്കാനും ഈ നീക്കം സഹായിക്കുമെന്ന് കേന്ദ്രസർക്കാർ വലയിരുത്തൽ. രാജ്യത്ത് നിലവിലുള്ള 1,150-ലധികം ടോൾ പ്ലാസകളിൽ ഈ സംവിധാനം നടപ്പിലാക്കും.രാജ്യത്തെ വാഹനങ്ങളിൽ 98 ശതമാനത്തിലധികം ഇപ്പോൾ ഫാസ്ടാഗ് ഉപയോഗിക്കുന്...

Perinthalmanna RadioDate: 22-02-2026 പെരിന്തൽമണ്ണ: നിലമ്പൂർ - ഷൊർണൂർ റെയിൽ പാതയിലെ പ്രധാന സ്റ്റേഷനായ അങ്ങാടിപ്പുറത്ത് പ്ലാറ്റ്‌ഫോമിൽ ലിഫ്റ്റ് സ്ഥാപിക്കുന്ന പ്രവർത്തനങ്ങൾ പുരോഗമിക്കുന്നു.ഒന്നാം നമ്പർ പ്ലാറ്റ്‌ഫോമിൽ നിന്നും രണ്ടാം പ്ലാറ്റ്‌ഫോമിലേക്കുള്ള ഫുട്പാത്തിനോട് ചേർന്നാണ് ലിഫ്റ്റുകളുടെ പ്രവർത്തനങ്ങൾ ഇപ്പോൾ നടന്നുവ രുന്നത്. പ്ലാറ്റ്‌ഫോമുകൾക്ക് ഇടയിലുള്ള യാത്ര സുഗമമാക്കാൻ ഇത് ഏറെ സഹായകമാകും.അമൃത് ഭാരത് പദ്ധതിയിൽ ഉൾപ്പെടുത്തി കൊണ്ട് ഒട്ടേറെ പ്രവർത്തനങ്ങളാണ് അങ്ങാടിപ്പുറം റെയിൽവേ സ്റ്റേഷനിൽ നടന്നു വരുന്നത്. പ്രായാധിക്യം ഉള്ളവർക്കും ഭിന്നശേഷിക്കാർക്കും പടികൾ കയറാൻ ബുദ്ധിമുട്ടുന്നവർക്കും ലിഫ്റ്റുകൾ ഏറെ ആശ്വാസമാകും.ആശുപത്രി നഗരമായ പെരിന്തൽമണ്ണയിലേക്ക് ചികിത്സക്കായി പോകുന്നവർക്ക് മികച്ച അടിസ്ഥാന സൗകര്യങ്ങൾ വരുന്നത് വരുമാനം വർധിപ്പിക്കാനും കൂടുതൽ പേരെ ട്രെയിൻ യാത്രയിലേക്ക് ആകർഷിക്കാനും വഴിവെക്...

Perinthalmanna RadioDate: 21-02-2026 തിരുവനന്തപുരം: മുൻഗണനാ കാർഡിനായി അപേക്ഷ സമർപ്പിക്കേണ്ട തീയതി 24 വരെ ദീർഘിപ്പിച്ചതായി ഭക്ഷ്യ പൊതുവിതരണ വകുപ്പ് മന്ത്രി ജി.ആർ അനിൽ. ഇതുവരെ 50,300 അപേക്ഷകൾ ലഭിച്ചു. എട്ടാംതവണയാണ് ഓൺലൈൻ അപേക്ഷകൾ സ്വീകരിക്കുന്നതെന്നും ഒഴിവാക്കൽ മാനദണ്ഡങ്ങളിൽ ഉൾപ്പെടാത്ത അർഹരായ എല്ലാ കുടുംബങ്ങളും മുൻഗണനാപട്ടികയിൽ ഉൾപ്പെടുമെന്നും മന്ത്രി അറിയിച്ചു.മുൻഗണനാപട്ടികയുടെ ശുദ്ധീകരണം തുടർ പ്രക്രിയയാണ്. തുടർച്ചയായി മൂന്നുമാസത്തിലധികം റേഷൻ വാങ്ങാത്ത മുൻഗണനാ വിഭാഗം കാർഡുകൾ പരിശോധനയ്ക്ക് വിധേയമാക്കി അർഹരല്ലെന്ന് കാണുന്ന പക്ഷം അത്തരം കാർഡുകൾ പൊതുവിഭാഗത്തിലേക്ക് തരംമാറ്റണമെന്നാണ് ഭക്ഷ്യഭദ്രതാനിയമത്തിലെ വ്യവസ്ഥ. പ്രസ്തു‌ത ഒഴിവിലേക്ക് അർഹരായവരെ ഉൾപ്പെടുത്തുന്നുണ്ട്. മുൻഗണന പട്ടികയിൽ നിന്ന് ഒഴിവാക്കുന്ന കാർഡുകളുടെ വിവരം വകുപ്പിന്റെ വെബ്സൈറ്റിൽ പ്രസിദ്ധീകരിക്കുന്നത് സുതാര്യത ഉറപ്പു വരുത്താനെന്...