പെരിന്തൽമണ്ണ ജില്ലാ ആശുപത്രി പരിസരത്ത് നിന്ന് പെരുമ്പാമ്പിനെ പിടികൂടി 

Perinthalmanna Radio
Date: 13-08-2024

പെരിന്തൽമണ്ണ: വർഷക്കാലം ആരംഭിച്ചതോടെ പെരുമ്പാമ്പുകളുടെ വിളയാട്ടമാണ് പെരിന്തൽമണ്ണയിലും പരിസരത്തും. ഇന്നലെ രാത്രി 11:30 മണിയോടെ  ട്രോമാ കെയർ പ്രവർത്തകരെ തേടി ഫോൺ വിളിയെത്തിയത് പെരിന്തൽമണ്ണ ജില്ലാ ആശുപത്രിയിൽ നിന്നായിരുന്നു. ജില്ലാ ആശുപത്രിയിലെ പുതിയ കെട്ടിട പരിസരത്തായാണ് ജീവനക്കാർ പെരുമ്പാമ്പിനെ കണ്ടത്. ഉടൻ തന്നെ ജീവനക്കാർ മലപ്പുറം ജില്ലാ ട്രോമാ കെയർ പെരിന്തൽമണ്ണ സ്റ്റേഷൻ യൂണിറ്റ് പ്രവർത്തകരെ വിവരമറിയിക്കുകയായിരുന്നു. നിമിഷ നേരങ്ങൾക്കകം സ്ഥലത്തെത്തിയ കേരള വനം വകുപ്പ് സർപ്പ റെസ്ക്യൂവറും യൂണിറ്റ് ഡെപ്യൂട്ടി ലീഡറുമായ ജബ്ബാർ ജൂബിലി, ഗിരീഷ് കീഴാറ്റൂർ എന്നിവർ പാമ്പിനെ പിടികൂടി. പാമ്പിനെ പിന്നീട് വനം വകുപ്പ് ഉദ്യോഗസ്ഥർക്ക് കൈമാറുമെന്ന് പ്രവർത്തകർ അറിയിച്ചു.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/LGNq30ypgbfIwG3hGCsoS1
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ