Perinthalmanna Radio
Date: 14-08-2024
പെരിന്തൽമണ്ണ: രാത്രിയിൽ ടൗണിലും പരിസരങ്ങളിലും ചുറ്റിക്കറങ്ങി കടകളിലെയും വാഹനങ്ങളിലെയും ബാറ്ററി, ഇൻവർട്ടർ മുതലായവ മോഷ്ടിക്കുന്നയാൾ പെരിന്തൽമണ്ണ പോലീസിന്റെ പിടിയിലായി. പാലക്കാട് കൊല്ലങ്കോട് ഹനീഫ മൻസിലിൽ അബ്ദുൾ റസാഖ്(40) ആണ് പിടിയിലായത്. കഴിഞ്ഞദിവസം പുലർച്ചെ വലിയങ്ങാടി സ്വദേശിയുടെ കടയിൽ വെച്ചിരുന്ന ബാറ്ററിയും ഇൻവർട്ടറും കാണാതായതിനെത്തുടർന്ന് പോലീസിൽ പരാതി നൽകുകയായിരുന്നു. തുടർന്ന് അന്വേഷണം തുടങ്ങിയ പോലീസ് പെരിന്തൽമണ്ണ ബൈപ്പാസിൽ നിന്നു തൊണ്ടിമുതൽ സഹിതം പിടികൂടുകയായിരുന്നു. സമാനമായ കേസുകൾ പാലക്കാട് ജില്ലയിൽ ഉണ്ടെന്ന് പോലീസ് പറഞ്ഞു. പെരിന്തൽമണ്ണ ടൗണിലും പരിസരങ്ങളിലുമുണ്ടായ സമാന സംഭവങ്ങളിൽ പ്രതിയെ കസ്റ്റഡിയിൽ വാങ്ങി കൂടുതൽ അന്വേഷണം നടത്തുമെന്നും രാത്രി പട്രോളിങ് ശക്തമാക്കുമെന്നും എസ്.എച്ച്.ഒ. സുമേഷ് സുധാകർ അറിയിച്ചു. എസ്.ഐ. ഉദയൻ, സീനിയർ സി.പി.ഒ. ജയേഷ്, ഗിരീഷ്, ഹാരിസ്, ജയേഷ് രാമപുരം എന്നിവരും അന്വേഷണ സംഘത്തിൽ ഉണ്ടായിരുന്നു.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/LGNq30ypgbfIwG3hGCsoS1
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ