പെരിന്തൽമണ്ണയിലെ സ്വർണക്കവർച്ച; അഞ്ച് പ്രതികൾക്ക് ജാമ്യം

Perinthalmanna Radio
Date: 22-01-2025

പെരിന്തൽമണ്ണ: രാത്രി കടയടച്ച് സ്വർണവുമായി വീട്ടിലേക്കു മടങ്ങുമ്പോൾ ജ്വല്ലറി ഉടമകളെ ആക്രമിച്ച് 3.2 കിലോഗ്രാം സ്വർണാഭരണം കവർന്ന കേസിൽ റിമാൻഡിലായിരുന്ന 5 പ്രതികൾക്കു കോടതി ജാമ്യം അനുവദിച്ചു. പിണറായി എരുവെട്ടി കിഴക്കെപറമ്പത്ത് വി.പി.അനന്തു (28), താമരശ്ശേരി അടിവാരം ആലംപടി ഷിഹാബുദ്ദീൻ (28), പീച്ചി കണ്ണാറ പയ്യാംകോട്ടിൽ പി.എസ്.സതീഷ് (24), താമരശ്ശേരി അടിവാരം പുത്തൻവീട്ടിൽ അനസ് (28), തൃശൂർ കണ്ണാറ കഞ്ഞിക്കാവിൽ, ലിസൺ സാം (34) എന്നിവർക്കാണു മ‍ഞ്ചേരി ഒന്നാം അഡീഷനൽ ജില്ലാ കോടതി ജഡ്ജി എം.തുഷാർ ജാമ്യം അനുവദിച്ചത്. കേസിൽ നേരിട്ടു പങ്കാളികളായ 7 പേരുൾപ്പെടെ 16 പ്രതികളെ പെരിന്തൽമണ്ണ ഡിവൈഎസ്‌പി ടി.കെ.ഷൈജു, സിഐ സുമേഷ് സുധാകരൻ എന്നിവരുടെ നേതൃത്വത്തിൽ പൊലീസ് അറസ്റ്റ് ചെയ്തിരുന്നു. നേരിട്ട് പങ്കാളികളായ 2 പേരെ കൂടി ഇനിയും പിടികിട്ടാനുണ്ട്. 1.723 കിലോഗ്രാം സ്വർണവും 32,79,500 രൂപയും പൊലീസ് പ്രതികളിൽ നിന്ന് കണ്ടെടുത്തിരുന്നു. കേസിൽ മണിക്കൂറുകൾക്കകം പ്രതികളെ അറസ്റ്റ് ചെയ്യുകയും തൊണ്ടിമുതൽ കണ്ടെടുക്കുകയും ചെയ്ത അന്വേഷണ സംഘത്തിന്റെ മികവ് ഏറെ അഭിനന്ദിക്കപ്പെട്ടിരുന്നു.

കഴിഞ്ഞ നവംബർ 21ന് രാത്രിയിലായിരുന്നു സംഭവം. കേസിൽ ഗൂഢാലോചനാ കുറ്റം ആരോപിക്കപ്പെട്ട, നേരിട്ട് സംഭവത്തിൽ പങ്കാളികളല്ലാത്തവരാണു ജാമ്യം നേടിയവർ.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/Kw2z7JE7mRXJuiFDiLrY8H
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ