അങ്ങാടിപ്പുറം പഞ്ചായത്ത് ഓഫീസിന് മുകളിൽ കയറി യുവാവിന്റെ ആത്മഹത്യാശ്രമം

Perinthalmanna Radio
Date: 25-01-2025

അങ്ങാടിപ്പുറം: അങ്ങാടിപ്പുറം പഞ്ചായത്തിലെ തത്കാലിക ജീവനക്കാരനായ ഡ്രൈവർ ഫൈസൽ വലമ്പൂരിനെ അകാരണമായി പിരിച്ചു വിട്ടെന്ന് ആരോപിച്ച് കോൺഗ്രസ് പ്രവർത്തകർ പഞ്ചായത്ത് ഓഫിസിലേക്ക് പ്രതിഷേധ മാർച്ച്‌ സംഘടിപ്പിച്ചിരുന്നു. ഇതിനിടെയാണ് തത്കാലിക ജീവനക്കാരനായ ഫൈസൽ വലമ്പൂർ അങ്ങാടിപ്പുറം പഞ്ചായത്ത് ഓഫീസിന് മുകളിൽ കയറി ആത്മഹത്യാ ഭീഷണി മുഴക്കിയത്. പോലീസും  കോൺഗ്രസ് പ്രവർത്തകരും നാട്ടുകാരും ചേർന്ന് അനുനയിപ്പിച്ച് യുവാവിനെ താഴെ ഇറക്കുകയായിരുന്നു.

അകാരണമായി പിരിച്ചു വിട്ട ഫൈസൽ വലമ്പൂരിനെ തിരിച്ചെടുക്കണം എന്ന് ആവശ്യപെട്ടായിരുന്നു  കോൺഗ്രസ് പ്രവർത്തകരുടെ  പ്രതിഷേധ മാർച്ച്‌. മൂന്ന് ദിവസത്തോളമായി ജോലിയിൽ തിരികെ പ്രവേശിപ്പിക്കണം എന്ന് ആവശ്യപ്പെട്ട് ഫൈസൽ നിരാഹാര സമരത്തിൽ ആയിരുന്നു. കഴിഞ്ഞ ചൊവ്വാഴ്ചയാണ് ഫൈസലിനെ ജോലിയിൽ നിന്നും പിരിച്ചു വിട്ടത്.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/Kw2z7JE7mRXJuiFDiLrY8H
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ