Perinthalmanna Radio
Date: 03-02-2025
മലപ്പുറം ജില്ലയിലെ ഗ്രാമ പഞ്ചായത്ത്, നഗരസഭകളിലെ കരട് വാര്ഡ് വിഭജന നിര്ദ്ദേശങ്ങള് സംബന്ധിച്ച പരാതികളില് ഡീലിമിറ്റേഷൻ കമ്മീഷൻ്റെ ജില്ലാതല ഹിയറിങ് (നേര് വിചാരണ) ഫെബ്രുവരി 5, 6 തീയതികളില് സിവിൽ സ്റ്റേഷനിലെ ജില്ലാ പ്ലാനിംഗ് ഓഫീസ് കോണ്ഫറന്സ് ഹാളില് നടക്കും.
സംസ്ഥാന ഡീലിമിറ്റേഷന് കമ്മീഷന് നേരിട്ടും ജില്ലാ തിരഞ്ഞെടുപ്പ് ഉദ്യോഗസ്ഥന് മുഖേനയും ആക്ഷേപങ്ങള് സമര്പ്പിച്ച പരാതിക്കാരെയാണ് ഡീലിമിറ്റേഷന് കമ്മീഷന് നേരില് കേള്ക്കുക. കരട് വാര്ഡ്/നിയോജക മണ്ഡല വിഭജന നിര്ദ്ദേശങ്ങളിന്മേല് നിശ്ചിത സമയ പരിധിക്ക് മുമ്പായി ആക്ഷേപങ്ങള്/ അഭിപ്രായങ്ങള് സമര്പ്പിച്ചവരെ മാത്രമേ ഹിയറിങില് പങ്കെടുക്കാന് അനുവദിക്കുകയുള്ളു. മാസ് പെറ്റീഷന് നല്കിയവരില് നിന്ന് ഒരു പ്രതിനിധിക്ക് മാത്രം ഹിയറിംഗില് പങ്കെടുക്കാം. അപേക്ഷ സര്പ്പിച്ച സമയത്ത് നല്കിയ കൈപ്പറ്റ് രസീത്/ രസീത് നമ്പര് ഹിയറിങിന് വരുന്നവരുടെ കൈവശം ഉണ്ടായിരിക്കണം.
ആകെ 2840 പരാതികളാണ് ജില്ലയിൽ നിന്ന് കമ്മീഷൻ്റെ പരിഗണനയിലുള്ളത്. ഫെബ്രുവരി 5 ന് രാവിലെ 9 മുതൽ കൊണ്ടോട്ടി, കുറ്റിപ്പുറം, മങ്കട ബ്ലോക്കുകളിലെ പഞ്ചായത്തുകളിലെയും കൊണ്ടോട്ടി നഗരസഭയിലെയും പരാതികൾ കേൾക്കും. തിരൂർ ബോക്കിലെ തിരുനാവായ, കാളികാവ് ബ്ലോക്കിലെ കരുളായി പഞ്ചായത്തുകളിലെയും പരാതികൾ ഈ സമയത്ത് പരിഗണിക്കും. അന്നേ ദിവസം രാവിലെ 11 ന് അരീക്കോട്, കാളികാവ് ബ്ലോക്കുകളിലെ പഞ്ചായത്തുകളിലെയും ഉച്ചയ്ക്ക് ശേഷം 2 ന് നിലമ്പൂർ, പെരുമ്പടപ്പ്, പൊന്നാനി, ബ്ലോക്കുകളിലുള്ള പഞ്ചായത്തുകളിലെയും നിലമ്പൂർ , മഞ്ചേരി, കോട്ടക്കൽ, വളാഞ്ചേരി, പൊന്നാനി നഗരസഭകളിലെയും പരാതികൾ കേൾക്കും.
ഫെബ്രുവരി 6 ന് രാവിലെ 9 ന് മലപ്പുറം, താനൂർ ബ്ലോക്കുകളിലെ പഞ്ചായത്തുകൾ, മലപ്പൂറം, താനൂർ നഗരസഭകൾ, രാവിലെ 11 ന് പെരിന്തൽമണ്ണ, തിരൂർ ബ്ലോക്കുകളിലെ പഞ്ചായത്തുകൾ, പെരിന്തൽമണ്ണ, തിരൂർ നഗരസഭകൾ, ഉച്ചയ്ക്ക് ശേഷം 2 ന് തിരൂരങ്ങാടി, വേങ്ങര, വണ്ടൂർ ബ്ലോക്കുകളിലെ പഞ്ചായത്തുകൾ, തിരൂരങ്ങാടി, പരപ്പനങ്ങാടി നഗരസഭകൾ എന്നിവിടങ്ങളിലെ പരാതികളിൽ ഹിയറിങ് നടക്കും.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/Kw2z7JE7mRXJuiFDiLrY8H
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ