തിരൂര്‍ക്കാട് ആനക്കയം റോഡിന് ബജറ്റില്‍ നൂറ് രൂപ ടോക്കണ്‍ മാത്രം

Perinthalmanna Radio
Date: 09-02-2025

മങ്കട: തിരൂര്‍ക്കാട് ആനക്കയം റോഡ് നവീകരിക്കുന്നതിന് ഫണ്ട് അനുവദിക്കണമെന്ന് ആവശ്യം സര്‍ക്കാര്‍ പരിഗണിച്ചില്ല. ബജറ്റില്‍ നൂറ് രൂപ മാത്രമാണ് നീക്കിവച്ചത്. ഈ റോഡ് നവീകരിക്കണമെന്ന ആവശ്യം ശക്തമാണ്. 2007-2008 കാലയളവില്‍ കേന്ദ്രമന്ത്രിയായിരുന്ന ഇ. അഹമ്മദിന്‍റെ കാലത്ത് കേന്ദ്രറോഡ് ഫണ്ടുപയോഗിച്ച്‌ 5.5 മീറ്ററുണ്ടായിരുന്ന റോഡ് ഏഴ് മീറ്ററാക്കി പ്രവൃത്തി പൂര്‍ത്തീകരിച്ചിരുന്നു. എന്നാല്‍ നാളിതുവരെ പാച്ച്‌ വര്‍ക്കല്ലാതെ മറ്റു പ്രവൃത്തികള്‍ നടന്നിട്ടില്ല.

കഴിഞ്ഞ സാമ്ബത്തിക വര്‍ഷവും ബജറ്റില്‍ ടോക്കണ്‍ അനുവദിച്ചെങ്കിലും ഫണ്ട് ലഭ്യമായിട്ടില്ല. റോഡിന്‍റെ ഉപരിതലം ബിഎംആന്‍ഡ്ബിസി ചെയ്യുകയും ആവശ്യമായ സ്ഥലങ്ങളില്‍ വീതി കൂട്ടുകയും കയറ്റിറക്കങ്ങള്‍ കുറച്ചും നവീകരിക്കുന്നതിന് നടപടി സ്വീകരിക്കണമെന്നാണ് നാട്ടുകാരുടെയും യാത്രക്കാരുടെയും ആവശ്യം.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————- പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/Kw2z7JE7mRXJuiFDiLrY8H
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ