Perinthalmanna Radio
Date: 10-03-2025
കെ-സ്മാർട്ട് ആപ്ലിക്കേഷനിലൂടെയുള്ള സേവനങ്ങള്ക്ക് അധികഫീസ് ഈടാക്കാൻ സർക്കാർ അനുമതി. മുനിസിപ്പാലിറ്റികളില് നിന്നും പഞ്ചായത്തുകളില് നിന്നും നല്കുന്ന ഓണ്ലൈൻ സർട്ടിഫിക്കറ്റുകള്ക്കും ലൈസൻസുകള്ക്കും കെട്ടിട പെർമിറ്റുകള്ക്കും ഡിജിറ്റല് കോസ്റ്റ് എന്ന പേരിലാണ് അധിക ഫീസ് ഏർപ്പെടുത്തുക.
ഏപ്രില് മുതല് നടപ്പാകും. ഇതിന്റെ നിരക്കുകളും സർക്കാർ നിശ്ചയിച്ചു. കെ-സ്മാർട് ആപ്ലിക്കേഷന്റെ സാങ്കേതികച്ചുമതല നിർവഹിക്കുന്ന ഇൻഫർമേഷൻ കേരള മിഷന് (ഐ.കെ.എം) നടപടി സ്വീകരിക്കാമെന്നാണ് സർക്കാർ ഉത്തരവ്
സർട്ടിഫിക്കറ്റുകള്ക്കും സേവനങ്ങള്ക്കുമുള്ള ഫീസിനൊപ്പം അധിക ഫീസും ഈടാക്കുന്ന തരത്തിലാകും സംവിധാനം. നിലവില് ആറ് കോർപറേഷനുകളും 87 മുനിസിപ്പാലിറ്റികളിലുമാണ് കെ- സ്മാർട്ടിന്റെ സേവനമുള്ളത്. ഏപ്രില് മുതല് ത്രിതല പഞ്ചായത്തുകളിലേക്കും വ്യാപിപ്പിക്കുന്നതിന്റെ പ്രാരംഭ പ്രവർത്തനങ്ങള് ആരംഭിച്ചിട്ടുണ്ട്.
കെ-സ്മാർട്ട് ആപ്ലിക്കേഷൻ വികസിപ്പിച്ച ഐ.കെ.എമ്മിന്റെ പ്രവർത്തനങ്ങള്ക്ക് ഫണ്ട് തികയാത്ത സാഹചര്യത്തിലാണ് ഡിജിറ്റല് കോസ്റ്റ് എന്ന പേരില് ഫീസ് ഈടാക്കുക.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/Kw2z7JE7mRXJuiFDiLrY8H
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ