Perinthalmanna Radio
Date:26-10-2022
തിരുവനന്തപുരം: നടപ്പ് അദ്ധ്യയന വര്ഷത്തിലെ സ്കൂള് ഉച്ചഭക്ഷണ പദ്ധതിക്കായി 262.33 കോടി രൂപ അനുവദിച്ചതായി പൊതുവിദ്യാഭ്യാസവും തൊഴിലും വകുപ്പ് മന്ത്രി വി.ശിവന്കുട്ടി. പാചകത്തൊഴിലാളികള്ക്കുള്ള ശമ്ബളവും പാചക ചെലവും ഉള്പ്പെടുന്നതാണ് ഈ സംഖ്യ. കേന്ദ്രവിഹിതമായ 167.38 കോടി രൂപ ഈ മാസം ലഭിക്കുകയും സംസ്ഥാന വിഹിതമായ 94.95 കോടി രൂപ അനുവദിക്കുകയും ചെയ്യുകയായിരുന്നു.
കേന്ദ്രവിഹിതം ലഭിക്കാതിരുന്ന സാഹചര്യത്തില് വിഷയത്തിന്റെ അടിയന്തിര പ്രാധാന്യം കണക്കിലെടുത്ത് സംസ്ഥാന സര്ക്കാര് അധിക വിഹിതം അനുവദിച്ചാണ് ഈ വര്ഷം ജൂണ് ജൂലൈ മാസങ്ങളില് പാചക തൊഴിലാളികള്ക്കുള്ള കൂലിയുടെ വിഹിതം നല്കിയത്. ഈ അദ്ധ്യയന വര്ഷത്തില് 278 കോടി രൂപയാണ് കേന്ദ്രവിഹിതമായി മൊത്തം ലഭിക്കേണ്ടത്. അതില് 110.38 കോടി രൂപ കൂടി ഇനി ലഭ്യമാകാനുണ്ട്.
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ