Perinthalmanna Radio
Date: 11-07-2025
പെരിന്തൽമണ്ണ ∙ കോഴിക്കോട്– പാലക്കാട് ദേശീയ പാതയിലെ കുരുക്കഴിക്കാൻ പരസ്പരമുള്ള രാഷ്ട്രീയ പഴിചാരൽ അവസാനിപ്പിച്ച് ഓരാടംപാലം– മാനത്തുമംഗലം ബൈപാസ് യാഥാർഥ്യമാക്കണമെന്ന് വ്യാപാരി വ്യവസായി ഏകോപന സമിതി പെരിന്തൽമണ്ണ മണ്ഡലം കമ്മിറ്റി ആവശ്യപ്പെട്ടു.
രൂക്ഷമായ ഗതാഗതക്കുരുക്കിൽ വ്യാപാരികളും പൊതുജനങ്ങളും രോഗികളുമായെത്തുന്ന വാഹനങ്ങളുമെല്ലാം വളരെയേറെ ബുദ്ധിമുട്ടുകയാണ്. ഓരാടംപാലം–വൈലോങ്ങര ബൈപാസും വലമ്പൂരിലെ ഏഴുകണ്ണി പാലത്തിനടുത്തുള്ള റെയിൽവേ അണ്ടർപാസ് പദ്ധതിയും ഇടതു–വലതു രാഷ്ട്രീയ വടംവലിയിൽ പെട്ട് നീണ്ടുപോകുന്നതിൽ വ്യാപാരി സമൂഹത്തിന്റെ ആശങ്ക ബന്ധപ്പെട്ടവരെ അറിയിക്കും. യോഗത്തിൽ മണ്ഡലം പ്രസിഡന്റ് യൂസഫ് രാമപുരം ആധ്യക്ഷ്യം വഹിച്ചു.
ജില്ലാ വൈസ് പ്രസിഡന്റ് പി.ടി.എസ്.മൂസു ഉദ്ഘാടനം ചെയ്തു. മണ്ഡലം ജന.സെക്രട്ടറി മനോജ് മേലാറ്റൂർ, മണ്ഡലം ട്രഷറർ സമദ് ചോക്ലേറ്റ് എന്നിവർ പ്രസംഗിച്ചു.
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ