Perinthalmanna Radio
Date: 22-10-2025
അതിതീവ്ര മഴ പ്രതീക്ഷിച്ചിരുന്നതിനാല് മലപ്പുറം, ഇടുക്കി, പാലക്കാട് ജില്ലകളില് ഇന്ന് പ്രഖ്യാപിച്ചിരുന്ന റെഡ് അലര്ട്ട് കേന്ദ്ര കാലാവസ്ഥ നിരീക്ഷണ കേന്ദ്രം പിന്വലിച്ചു. എന്നാല്, ഒറ്റപ്പെട്ടയിടങ്ങളില് അതിശക്തമായ മഴയ്ക്ക് സാധ്യതയുള്ളതിനാല് ഇവിടങ്ങളിലടക്കം പത്ത് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. മലപ്പുറം, ഇടുക്കി, പാലക്കാട് ജില്ലകളെ കൂടാതെ പത്തനംതിട്ട, ആലപ്പുഴ, കോട്ടയം, എറണാകുളം, തൃശ്ശൂര്, കോഴിക്കോട്, വയനാട് ജില്ലകളിലാണ് ഓറഞ്ച് അലര്ട്ട്. തിരുവനന്തപുരം, കൊല്ലം, കണ്ണൂര്, കാസര്കോട് ജില്ലകളില് യെല്ലോ അലര്ട്ടാണ്.
നേരത്തെ റെഡ് അലര്ട്ട് പ്രഖ്യാപിച്ചതിനെ തുടര്ന്ന് മലപ്പുറം, ഇടുക്കി, പാലക്കാട് ജില്ലകളിലും ഓറഞ്ച് അലര്ട്ടുള്ള പത്തനംതിട്ടയിലും വിദ്യാഭ്യാസ സ്ഥാപനങ്ങള്ക്ക് ബുധനാഴ്ച അവധി നല്കിയിരുന്നു
വ്യാഴാഴ്ച ഒരു ജില്ലയിലും റെഡ്, ഓറഞ്ച് അലര്ട്ടുകള് പ്രഖ്യാപിച്ചിട്ടില്ല. തിരുവനന്തപുരം, കൊല്ലം, പത്തനംതിട്ട, കോട്ടയം, മലപ്പുറം, കോഴിക്കോട്, വയനാട്, കണ്ണൂര്, കാസർകോട് ജില്ലകളില് മഞ്ഞ അലര്ട്ടാണ്. തുടര്ന്നുള്ള ദിവസങ്ങളില് മഴ കുറയാനാണ് സാധ്യത.
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ