വാണിജ്യ സിലിണ്ടറിന്‍റെ വില കൂടി; ഗാർഹിക സിലിണ്ടറിനുള്ള വിലയിൽ മാറ്റമില്ല

Perinthalmanna Radio
Date: 01-02-2026

ഡൽഹി: പാചക വാതക വില കൂട്ടി. വാണിജ്യ ആവശ്യത്തിനുള്ള  സിലിണ്ടർ വില കൂടി. 49 രൂപ കൂടി 1747 രൂപയായി. ഗാർഹിക സിലിണ്ടറിനുള്ള വിലയിൽ മാറ്റമില്ല.

ഹോട്ടലുകൾ, റെസ്റ്റോറന്‍റുകൾ, ചെറുകിട ബിസിനസുകാര്‍ എന്നിവ വ്യാപകമായി ഉപയോഗിക്കുന്ന 19 കിലോഗ്രാം വാണിജ്യ എൽപിജി സിലിണ്ടറിനാണ് ഈ വർധനവ് ബാധകമാകുന്നത്.

14.2 കിലോഗ്രാം ഗാർഹിക എൽപിജി സിലിണ്ടറുകളുടെ വിലയിൽ മാറ്റമില്ല. ഡൽഹിയിൽ, 19 കിലോഗ്രാം വാണിജ്യ എൽപിജി സിലിണ്ടറിന്‍റെ റീട്ടെയിൽ വില ഇപ്പോൾ 1,740.50 ആണ്. ആഗോള ഇന്ധന പ്രവണതകളെയും ആഭ്യന്തര ചെലവ് ഘടകങ്ങളെയും അടിസ്ഥാനമാക്കി ഒഎംസികൾ നടത്തുന്ന പ്രതിമാസ വില ക്രമീകരണത്തിന്‍റെ ഭാഗമായാണ് വര്‍ധനവ്.

14.2 കിലോഗ്രാം ഗാർഹിക എൽ‌പി‌ജി സിലിണ്ടറിന്‍റെ വിലയിൽ മാറ്റമൊന്നുമില്ലാത്തതിനാൽ ഗാർഹിക ഉപഭോക്താക്കൾക്ക്  ആശ്വാസമുണ്ട്. ഫെബ്രുവരി 1 മുതൽ ഗാർഹിക എൽ‌പി‌ജി നിരക്കുകളിൽ ഒരു പരിഷ്കരണവും ഉണ്ടായിട്ടില്ലെന്ന് ഒ‌എം‌സി അറിയിച്ചു.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ