ഹോട്ടൽ ജീവനക്കാർക്ക് ആരോഗ്യ പരിശോധനയും ബോധവൽകരണ സെമിനാറും സംഘടിപ്പിച്ചു

Perinthalmanna Radio
Date: 30-01-2023

പെരിന്തൽമണ്ണ: കേരള ഹോട്ടൽ ആന്റ് റസ്റ്ററന്റ് അസോസിയേഷൻ പെരിന്തൽമണ്ണ യൂണിറ്റിന്റെ നേതൃത്ത്വത്തിൽ ഹോട്ടൽ ജീവനക്കാർക്ക് ആരോഗ്യ പരിശോധനയും ബോധവൽകരണ സെമിനാറും സംഘടിപ്പിച്ചു. സംസ്ഥാന സർക്കാർ ഫെബ്രുവരി മുതൽ ഹോട്ടൽ ജീവനക്കാർക്ക് ഹെൽത്ത് കാർഡ് നിർബന്ധമാക്കിയതിന് മുന്നോടിയായിട്ടാണ് ക്യാമ്പ് സംഘടിപ്പിച്ചത്. പെരിന്തൽമണ്ണ ആര്യാസ് ഹോട്ടലിലും പട്ടിക്കാട് ബ്രദേഴ്സ് ഹോട്ടലിലും വെച്ച് നടന്ന ക്യാമ്പിൽ അഞ്ഞൂറോളം തൊഴിലാളികളെ രക്ത പരിശോധനകൾ ഉൾപ്പടെ വിവിധ പരിശോധനകൾക്ക് വിധേയരാക്കി. പ്രസിഡന്റ് കെ.ടി.അബ്ബാസ്, സെക്രട്ടറി എം.ബാലകൃഷ്ണൻ , ട്രഷറർ അബ്ദു റഹിമാൻ പാതാരി, മുഹ്സിൻ അലി ഒ.പി , സുധീർ ബാബു , സി.അഷ്റഫ് 
സുരേഷ് അച്ചു എന്നിവർ നേതൃത്ത്വം നൽകി. തൊഴിലാളികൾക്കായി നടത്തിയ ബോധവൽകരണ സെമിനാർ നഗരസഭ ചെയർമാൻ പി.ഷാജി ഉദ്ഘാടനം ചെയ്തു. ഭക്ഷ്യ സുരക്ഷാ ഓഫീസർ മിനു റേച്ചൽ വർഗീസ് , നഗരസഭ ഹെൽത്ത് ഇൻസ്പെക്ടർ ദിലീപ് കുമാർ എന്നിവർ ക്ലാസെടുത്തു. അസോസിയേഷൻ ജില്ലാ ഭാരവാഹികൾ പങ്കെടുത്തു. മുഴുവൻ തൊഴിലാളികളെയും പരിശോധനക്ക് വിധേയരാക്കുന്നതിനായി തുടർ ക്യാമ്പുകൾ സംഘടിപ്പിക്കുമെന്ന് ഭാരവാഹികൾ അറിയിച്ചു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/BuEppF2WClmF172FMFIJJx
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ