Perinthalmanna Radio
Date: 02-02-2023
പെരിന്തൽമണ്ണ: ഗള്ഫിലുള്ള സുഹൃത്തിന്റെ ഭാര്യയെ പീഡിപ്പിച്ച ശേഷം വിദേശത്തേക്ക് കടന്ന യുവാവ് അറസ്റ്റില്. സുഹൃത്തിന്റെ ഭാര്യയെ ഭീഷണിപ്പെടുത്തി ബലാത്സംഗം ചെയ്തെന്ന കേസില് ഏലംകുളം മുതുകുര്ശ്ശി ശീലത്ത് വീട്ടില് മുഹമ്മദ് അഷ്റഫിനെ (34)യാണ് പെരിന്തല്മണ്ണ പോലീസ് അറസ്റ്റ് ചെയ്തത്. 2021 നവംബറിലായിരുന്നു കേസിനാസ്പദമായ സംഭവം.
വിദേശത്തായിരുന്ന പ്രതി കഴിഞ്ഞ മാസം 27നാണ് തിരികെ നാട്ടിലെത്തിയത്. പ്രവാസി യുവാവ് വീട്ടിലേക്കുള്ള ആവശ്യ സാധനങ്ങളെത്തിക്കാന് ഏല്പിച്ച സുഹൃത്ത് വീട്ടിലേക്കു അതിക്രമിച്ചു കയറി സുഹൃത്തിന്റെ ഭാര്യയെ ലൈംഗികമായി പീഡിപ്പിച്ചതായാണ് കേസ്. വീട്ടിലേക്കു ആവശ്യമായ സാധനങ്ങളെത്തിച്ചതോടൊപ്പം സുഹൃത്ത് ഭാര്യയുമായി സൗഹൃദത്തിൽ ആവുകയായിരുന്നു. പീന്നീട് വീട്ടിലേക്കു അതിക്രമിച്ചു കയറി യുവതിയെ പീഡിപ്പിച്ചെന്നാണ് പരാതി.
ഭര്തൃമതിയായ യുവതി പെരിന്തല്മണ്ണ പോലീസിലാണ് പരാതി നല്കിയത്. വീട്ടിലേക്കു അതിക്രമിച്ചു കയറി വര്ക്ക് ഏരിയയില് വച്ച് പീഡിപ്പിച്ചെന്നാണ് പരാതി. സംഭവത്തിന് ശേഷം പ്രതി വിദേശത്തേക്ക് മുങ്ങിയിരുന്നു. തിരിച്ചെത്തിയതിന് പിന്നാലെയാണ് അറസ്റ്റ്.
വിദേശത്തായിരുന്ന യുവാവ് വീട്ടിലേക്കുള്ള അവശ്യസാധനങ്ങളും മറ്റും സുഹൃത്തിനെ ഏല്പ്പിക്കുകയായിരുന്നു. എന്നാല് സുഹൃത്താകട്ടെ വീട്ടിലേക്കുള്ള സാധനങ്ങള് എത്തിച്ചതിന് പിന്നാലെ യുവതിയുമായി സൗഹൃദത്തിലാവുകയും ചെയ്തു. ആദ്യം നല്ല രീതിയിലുള്ള സുഹൃദ്ബന്ധമായിരുന്നെങ്കിലും പിന്നീടാണു അതിക്രമിച്ചു കയറി പീഡിപ്പിച്ചത്.
സുഹൃത്ത് വീട്ടിലേക്കു വരുന്നതും മറ്റും യുവതിയുടെ ഭര്ത്താവിന് അറിയാമായിരുന്നുവെങ്കിലും പ്രതി ഇത്തരത്തില് വിശ്വാസ വഞ്ചന കാണിക്കുമെന്നു കരുതിയിരുന്നില്ല. പെരിന്തല്മണ്ണ ഇന്സ്പെക്ടര് അലവിയുടെ നേതൃത്വത്തില് എ എസ് ഐ ബൈജു, വനിത എസ് സി പി ഒ ജയമണി, എസ് സി പി ഒ മിഥുന് എന്നിവരാണ് അന്വേഷണ സംഘത്തില് ഉണ്ടായിരുന്നത്.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/BuEppF2WClmF172FMFIJJx
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ