കട്ടുപ്പാറ – പട്ടുകൂത്ത് തിരുത്ത് പാലം അപ്രോച്ച് റോഡ് നിർമാണം പാതിവഴിയിൽ

Perinthalmanna Radio
Date: 14-03-2023

പുലാമന്തോൾ: കട്ടപ്പാറയിൽ നിന്ന് ഏലംകുളം പട്ടുകുത്ത് തിരുത്തിലേക്ക് പാലം നിർമാണം പൂർത്തിയായിട്ട്  രണ്ടു വർഷം. പട്ടുകുത്ത് തിരുത്ത് നിവാസികളുടെ ഗതാഗതമെന്ന സ്വപ്നം ഇനിയും പൂവണിഞ്ഞില്ല.

കഴിഞ്ഞ വർഷം ജനുവരിയിൽ പ്രവർത്തനം ആരംഭിച്ച അപ്രോച്ച് റോഡ് നിർമാണം പൂർത്തികരിക്കാത്തതാണ് ഗതാഗതത്തിന് തടസ്സമാവുന്നത്. ഏലംകുളം പഞ്ചായത്തിലെ പട്ടുകൂത്ത് തിരുത്തിൽ നിന്ന് പെരിന്തൽമണ്ണ പുലാമന്തോൾ , പട്ടാമ്പി ഭാഗങ്ങളിലേക്ക് എളുപ്പത്തിൽ എത്തിപ്പെടാൻ തോടിനു കുറുകെ പാലം നിർമിക്കണമെന്നത് പ്രദേശവാസിളുടെ ഏറെ കാലത്തെ ആവശ്യമായിരുന്നു. ഇതേ തുടർന്ന് മുൻ എം എൽ എ മഞ്ഞളാംകുഴി അലിയുടെ ഫണ്ടിൽ നിന്ന് 87 ലക്ഷം രൂപ അനുവദിച്ചു.

ഇതിൽ 63 ലക്ഷം രൂപ ചെലവഴിച്ച് ആറ് മീറ്റർ ഉയരത്തിൽ 1665 നീളത്തിലും 5.5 വീതിയിലും പാലം നിർമിച്ചു. തുടർന്ന് കൂട്ടുപ്പാറ ഭാഗത്തേക്ക് അപ്രോച്ച് റോഡ് നിർമാണവും പൂർത്തിയാക്കിയതോടെ ഫണ്ട് തീർന്നു. പിന്നീട് ഏലംകുളം പട്ടുകുത്ത് ഭാഗത്തേക്ക് റോഡില്ലാതെ മാസങ്ങൾ കിടന്ന ശേഷമാണ് അപ്രോച്ച് റോഡിനായി ജില്ലാ പഞ്ചായത്ത് 95 ലക്ഷം രൂപ അനുവദിച്ചത്

കഴിഞ്ഞ വർഷം ജനുവരിയിൽ നിർമാണം തുടങ്ങിയെങ്കിലും അപാകത മൂലം ഏതാനും മാസത്തിനു ശേഷം നിർമാണം നിർത്തി വെക്കുക ആയിരുന്നു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/EYuz71RniLNAdUHfxjrKjr
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ