സായി സ്നേഹതീരം ട്രൈബൽ ഹോസ്റ്റലിൽ ഡെന്റൽ മെഡിക്കൽ ക്യാമ്പ് നടത്തി

Perinthalmanna Radio
Date: 24-03-2023

പെരിന്തൽമണ്ണ: ലോക വദനാരോഗ്യ ദിനത്തോട് അനുബന്ധിച്ച് പെരിന്തൽമണ്ണ ജില്ലാ ആശുപത്രി ദന്ത വിഭാഗം മേധാവി ഡോ.ബിജി കുര്യന്റെ നേതൃത്വത്തിൽ പെരിന്തൽമണ്ണ സായി സ്നേഹ തീരം ട്രൈബൽ ഹോസ്റ്റലിൽ ഡെന്റൽ മെഡിക്കൽ ക്യാമ്പ് നടത്തി.

സായി സ്നേഹതീരം സെക്രട്ടറി ശ്രീ.കെ.ടി. വിജയകുമാർ അധ്യക്ഷ വഹിച്ച യോഗത്തിൽ പെരിന്തൽമണ്ണ ജില്ലാ ആശുപത്രി ദന്ത വിഭാഗം മേധാവി ഡോ.ബിജി കുര്യൻ ഉദ്ഘാടനം ചെയ്തു സംസാരിച്ചു. ഡോ.ഫാഹിത ദന്ത ആരോഗ്യത്തെ കുറിച്ച് ബോധവൽക്കരണ ക്ലാസ് എടുത്തു. ഐഡിഎ ഏറനാട് പ്രതിനിധികൾ ഡോ. അജ്മൽ, ഡോ.നീം, ഡോ.സമീഹ എന്നിവർ ആശംസകൾ അർപ്പിച്ചു.

പെരിന്തൽമണ്ണ ജില്ലാ ആശുപത്രി തയ്യാറാക്കിയ ദന്താരോഗ്യ ബോധവൽക്കരണ ലഹുലേഖ, സ്റ്റിക്കർ എന്നിവ ഡോ.ബിജി കുര്യൻ പ്രകാശനം ചെയ്തു. IDA  ഡെന്റൽ കിറ്റ് ഡോ.അജ്മൽ നൽകി. ക്യാമ്പിൽ പങ്കെടുത്തവർക്ക് ആവശ്യമെങ്കിൽ പെരിന്തൽമണ്ണ ജില്ലാ ആശുപത്രിയിൽ വെച്ച് തുടർ ചികിത്സ നൽകും. ക്യാമ്പിന് സായി സ്നേഹതീരം പ്രസിഡന്റ് ശ്രീ.കെ.ആർ.രവി സ്വാഗതവും ജില്ലാ ആശുപത്രി ജൂ. ഹെൽത്ത് ഇൻസ്‌പെക്ടർ സെന്തിൽ കുമാർ നന്ദിയും പറഞ്ഞു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/E2dEC1CYZr68WrVmzEEgSL
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ