താമരശ്ശേരി ചുരത്തിൽ ഇന്നു മുതൽ ഗതാഗത നിയന്ത്രണം

Perinthalmanna Radio
Date: 05-04-2023

താമരശ്ശേരി ചുരത്തിലെ കുരുക്ക് നിയന്ത്രിക്കുന്നതിനായി ഗതാഗത നിയന്ത്രണം അഞ്ചു മുതൽ പ്രാബല്യത്തിൽ വരും. ശനി, ഞായർ ഉൾപ്പെടെയുള്ള പൊതുഒഴിവ് ദിവസങ്ങളിലും രണ്ടാം ശനിയോട് ചേർന്നുവരുന്ന വെള്ളിയാഴ്ചകളിലും വൈകുന്നേരം മൂന്നുമുതൽ രാത്രി ഒൻപതുവരെയാണ് നിയന്ത്രണം. ഈ സമയങ്ങളിൽ ആറു ചക്രത്തിൽ കൂടുതലുള്ള ടിപ്പറുകൾ, പത്ത് ചക്രത്തിൽ കൂടുതലുള്ള ചരക്ക് വാഹനങ്ങൾ, മൾട്ടി ആക്സിൽ വാഹനങ്ങൾ, ഓവർ ഡൈമെൻഷനൽ ട്രക്ക് എന്നിവയ്ക്ക് പ്രവേശനം അനുവദിക്കില്ലെന്ന് കളക്ടർ എ. ഗീത അറിയിച്ചു.

തിങ്കളാഴ്ചകളിൽ രാവിലെ ആറുമുതൽ ഒമ്പതുവരെയും നിയന്ത്രണമുണ്ടാകും. അപകടങ്ങൾ, വാഹനത്തകരാറുകൾ എന്നിവ അടിയന്തരമായി പരിഹരിച്ചു ഗതാഗതം പുനഃസ്ഥാപിക്കാനായി വിദഗ്ധരെയും അടിയന്തര ഉപകരണങ്ങളുടെ ഓപ്പറേറ്റർമാരെയും ഉൾപ്പെടുത്തി എമർജൻസി സെന്റർ സംവിധാനവും ഏർപ്പെടുത്തും. ചുരത്തിൽ വാഹന പാർക്കിങ് അനുവദിക്കില്ല.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/E2dEC1CYZr68WrVmzEEgSL
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ