Perinthalmanna Radio
Date: 21-04-2023
പെരിന്തൽമണ്ണ: ഉറവിടമാലിന്യ സംസ്കരണം പ്രോത്സാഹിപ്പിക്കുന്നതിനായി ജൈവമാലിന്യം വളമാക്കി മാറ്റുന്നതിനുള്ള 2000 ബയോ ബിന്നുകൾ നഗരസഭ വിതരണം ചെയ്തു.
വീടുകളിലെ ജൈവ മാലിന്യം വീടുകളിൽ തന്നെ സംസ്കരിക്കുന്ന രീതിയിലേക്ക് സമൂഹമാകെ മാറുന്നതിനുള്ള ചുവടു വെപ്പാണ് പദ്ധതി ആവിഷ്കരിച്ചത്. മാലിന്യം ഓരോരുത്തരുടെയും ഉത്തരവാദിത്വമായി മാറുന്നതിലൂടെ തോത് കുറയ്ക്കുന്നതിനും ഫല പ്രദമായി സംസ്കരിക്കുന്നതിനുമാകുമെന്ന് വിതരണോദ്ഘാടനം നിർവഹിച്ച് നഗരസഭാധ്യക്ഷൻ പി. ഷാജി പറഞ്ഞു.
ആദ്യഘട്ടത്തിൽ ആയിരം പട്ടികജാതി വീടുകളിലേക്കും ആയിരം ജനറൽ വീടുകളിലേക്കുമായാണ് ബയോ ബിന്നുകൾ നൽകുന്നത്. നഗരസഭാ ഉപാധ്യക്ഷ എ. നസീറ അധ്യക്ഷത വഹിച്ചു. അംഗങ്ങളായ അമ്പിളി മനോജ്, സുനിൽകുമാർ, നഗരസഭാ സെക്രട്ടറി ജി. മിത്രൻ, ഹെൽത്ത് സൂപ്പർവൈസർ സി.കെ. അബ്ദുൾ നാസർ തുടങ്ങിയവർ പ്രസംഗിച്ചു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/E2dEC1CYZr68WrVmzEEgSL
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ