പെരിന്തൽമണ്ണ സി.എച്ച് സെന്ററിന്റെ ആഭിമുഖ്യത്തിൽ കെ.എം.സി.സി നേതൃ സംഗമം

Perinthalmanna Radio
Date: 23-05-2023

പെരിന്തൽമണ്ണ: സി.എച്ച് സെന്ററിന്റെ  ആഭിമുഖ്യത്തിൽ നടന്ന കെഎംസിസി നേതൃ സംഗമം സെന്റർ പ്രസിഡണ്ടും മുസ്ലിം ലീഗ് നേതാവുമായ കെ.പി.എ മജീദ് എം.എൽ.എ ഉദ്ഘാടനം ചെയ്തു. സി.എച്ച് സെന്റർ ചാപ്റ്ററുകൾ തുടങ്ങാത്ത വിദേശ നാടുകളിൽ ചാപ്റ്ററുകൾ ആരംഭിക്കുവാൻ തീരുമാനമായി. നാട്ടിൽ നടക്കുന്ന ജീവകാരുണ്യ പ്രവർത്തനങ്ങളും കെ.എം.സി.സി നേതൃത്വം നൽകുന്ന പ്രവർത്തനങ്ങളും തമ്മിലുള്ള ഏകോപനം സാധ്യമാക്കുന്നതിന്. സി.എച്ച് സെന്റർ സേവനം പ്രയോജന പെടുത്തുവാനും തീരുമാനമായി. സി.എച്ച് സെന്ററിന്റെ കെട്ടിട നിർമ്മാണ പുരോഗതിയിൽ യോഗം സന്തുഷ്ടി പ്രകടിപ്പിച്ചു. ദുബായ്, അൽഐൻ എന്നീ കെ.എം.സി.സി കളും, തച്ചനാട്ടുകര പഞ്ചായത്ത് മുസ്‌ലിംലീഗ് കമ്മിറ്റിയും സെന്ററിനു വേണ്ടി നോമ്പു കാലത്ത് സ്വരൂപിച്ച ഫണ്ട് പ്രസിഡണ്ട് കെ.പി.എ മജീദ് എംഎൽഎ യെ ഏൽപ്പിച്ചു. ഖത്തർ കെഎംസിസി ജനറൽ സെക്രട്ടറിയായി തിരഞ്ഞെടുത്ത നാലകത്ത് സലിം, മുൻ ദുബായ് കെഎംസിസി ഭാരവാഹി ഹംസ കാവണ്ണയിൽ എന്നിവരെ ചടങ്ങിൽ ആദരിച്ചു. പരിശുദ്ധ ഹജ്ജ് കർമ്മത്തിന് പോകുന്ന എ ൽ.കെ നാസർ മാസ്റ്റർ, പി.ടി സൈദ് മുഹമ്മദ് എന്നിവർക്ക് യാത്രയയപ്പും നൽകി.

സെന്റർ ജനറൽ സെക്രട്ടറി അഡ്വ:എ.കെ മുസ്തഫ സ്വാഗതം പറഞ്ഞു. വൈസ് പ്രസിഡണ്ട് എം.എസ് അലവി തച്ചനാട്ടുകരയുടെ അധ്യക്ഷതയിൽ ചേർന്ന യോഗത്തിൽ സെന്റർ ഭാരവാഹികളായ നാസർ മാസ്റ്റർ,  അഡ്വ:എസ് അബ്ദുസ്സലാം, സക്കീർ പാലത്തിങ്ങൽ, അലവി,ശുക്കൂർ, കുഞ്ഞലവി, അശ്റഫ്, അബ്ദുസമദ്, ഹുസൈൻ കരിങ്കറ, ഹംസപ്പ മാസ്റ്റർ, മുഹമ്മദ്, അബ്ദുല്ല, റഷീദ് കിഴിശ്ശേരി, യൂസഫ്, മുഹമ്മദ് കൈപ്പള്ളി, വി.പി റഷീദ് മാസ്റ്റർ, ഫൈസൽ ബാബു, അബൂബക്കർ, ഷറഫുദ്ദീൻ, ബാവ എന്നിവരും സംബന്ധിച്ചു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/D0DhxRdTjOQ5CuMBUmEPjg
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ